Pathan Movie Bangladesh Release : నాలుగేళ్ల విరామం తర్వాత 'పఠాన్'తో వెండితెరపై కనిపించారు బాలీవుడ్ బాద్షా షారుక్ ఖాన్. ఈ సినిమా బ్లాక్ బస్టర్ విజయాన్ని అందుకున్నారు. ఈ ఏడాది ప్రారంభంలో విడుదలైన ఈ సినిమా అన్ని ప్రాంతాల్లో సూపర్ హిట్ అయింది. దాదా రూ.1000 కోట్లకు పైగా కలెక్షన్లు రాబట్టింది. ఇప్పుడు యాక్షన్ డ్రామా మరో మెట్టు పైకెక్కి.. బంగ్లాదేశ్లో విడుదలకు సిద్ధమైంది. అంతేకాకుండా బంగ్లాదేశ్లో విడుదలైన తొలి హిందీ సినిమాగానూ రికార్డు సృష్టించింది.
షారుక్ ఖాన్, దీపికా పదుకొనే జంటగా నటించిన 'పఠాన్'.. ఈ నెల 12న బంగ్లాదేశ్లో విడుదల కానుంది. 1971 తర్వాత అక్కడ విడుదలవుతున్న తొలి హిందీ సినిమా ఇదే కావడం గమనార్హం. ఈ విషయమై డిస్ట్రిబ్యూషన్ కంపెనీ ప్రతినిధి నెల్సన్ డిసౌజా మాట్లాడారు. విభిన్న దేశాలు, సంస్కృతులను కలిపే శక్తి సినిమాకు మాత్రమే ఉందన్నారు. వ్యక్తుల మధ్య బంధాలను పెంచడంలో సినిమాకి ఎప్పుడూ ప్రత్యేక స్థానం ఉంటుందని అభిప్రాయపడ్డారు. ప్రపంచవ్యాప్తంగా అద్భుతమైన కలెక్షన్లు రాబట్టిన ఈ సినిమా.. అక్కడ కూడా మంచి విజయం సాధిస్తుందని ఆశాభావం వ్యక్తం చేశారు.
ఈ నేపథ్యంలో షారుక్ ఖాన్ గతంలో చేసిన ఓ ట్వీట్ వైరల్గా మారింది 'పఠాన్' రిలీజైన తర్వాత అభిమానులతో మాట్లాడారు. అప్పుడు ఓ అభిమాని 'మీ సినిమాను బంగ్లాదేశ్లో విడుదల చేయొచ్చు కదా?' అని అడిగాదడు.. దీనికి 'త్వరలో మీరు పఠాన్‌ను బంగ్లాదేశ్ చూస్తారు' అని షారుక్ బదులిచ్చారు. ఇప్పుడు ఆ ట్వీట్‌ను షారుక్ అభిమానులు షేర్ చేస్తున్నారు.
Deepika Padukone Pathan : ఇకపోతే పఠాన్ సినిమా విషయానికొస్తే.. షారుక్కు జంటగా బాలీవుడ్ బ్యూటీ దీపికా పదుకొణే నటించారు. జనవరి 25న ప్రపంచవ్యాప్తంగా విడుదలైన ఈ సినిమా.. సూపర్ హిట్గా నిలిచి బాలీవుడ్కు పూర్వవైభవాన్ని తీసుకొచ్చింది. సిద్దార్థ్ ఆనంద్ దర్శకత్వం వహించిన ఈ చిత్రంలో జాన్ అబ్రహం విలన్ రోల్ పోషించారు. డింపుల్ కపాడియా, రాణా అశుతోష్ ముఖ్య పాత్రల్లో నటించారు. యశ్రాజ్ ఫిలింస్ పతాకంపై ఆదిత్య చోప్రా నిర్మించారు.
Jawan Release Date 2023 : షారుక్.. ప్రస్తతం అట్లీ దర్శకత్వంలో 'జవాన్' సినిమా చేస్తున్నారు. ఈ సినిమా టైటిల్ కోసం చిత్ర బృందం దాదాపు 25 పేర్లను పరిశీలించిందట. ఈ సినిమాలో షారుక్ సరసన నయనతార నటిస్తోంది. ఇక, మక్కల్ సెల్వన్ విజయ్ సేతుపతి ప్రత్యేక పాత్రలో నటిస్తున్నారు. ఈ సినిమా షూటింగ్ పనులు శర వేగంగా జరుగుతున్నాయి. కాగా జవాన్లో షారుక్ డబుల్ రోల్లో అభిమానులను అలరించనున్నారు. ఈ ఏడాది జూన్లో సినిమా విడుదలకు చేయడానికి చిత్ర యూనిట్ సన్నాహాలు చేస్తోంది.
