NTR-Prasanth neel movie: ఎన్టీఆర్-కొరటాల శివ, ప్రశాంత్ నీల్-ప్రభాస్ ఈ రెండు కాంబోల సినిమాలు పూర్తవ్వగానే తారక్-ప్రశాంత్ నీల్ కలయికలో ఓ చిత్రం రాబోతుంది. ఈ మూవీ అనౌన్స్ చేసినప్పటి నుంచి ఎప్పుడు సెట్స్పైకి వెళ్తుందా, అప్డేట్స్ ఎప్పుడు వస్తాయా అని అభిమానులు ఆసక్తిగా ఎదురుచూస్తూనే ఉన్నారు. ఈ నేపథ్యంలో తాజాగా ఓ ఆసక్తికర వార్త బయటకు వచ్చింది.
ఎన్టీఆర్31వ రాబోతున్న ఈ మూవీనీ భారీ యాక్షన్ డ్రామాగా తెరకెక్కించబోతున్నారట! దసరాకి అధికారికంగా లాంచ్ చేసి.. నవంబరు నుంచి రెగ్యులర్ షూటింగ్ ప్రారంభించాలని మేకర్స్ ప్లాన్ చేస్తున్నారని తెలిసింది. 2024 దసరాకి సినిమాను విడుదల చేయాలని ప్లాన్ చేస్తున్నారని సమాచారం. కాగా, ఈ కలయికపై సినీప్రేక్షకుల్లో భారీ అంచనాలు ఉన్నాయి. ఎన్టీఆర్ మాస్ ఇమేజ్కి ప్రశాంత్ నీల్ యాక్షన్ విజువల్స్ తోడు అయితే మరో వండర్ ఫుల్ సినిమా అయ్యే అవకాశం ఉందని ఫ్యాన్స్ అభిప్రాయపడుతున్నారు.
కాగా, ఎన్టీఆర్ ప్రస్తుతం 'ఆర్ఆర్ఆర్' తర్వాత కాస్త బ్రేక్ తీసుకున్నారు. త్వరలోనే కొరటాల శివ సినిమాను సెట్స్పైకి తీసుకెళ్లనున్నారు. మరోవైపు ప్రశాంత్.. ప్రభాస్తో 'సలార్' సినిమా షూటింగ్లో బిజీగా ఉన్నారు. ఇందులో శ్రుతిహాసన్ కథానాయిక.
ఇదీ చూడండి: సంక్రాంతికి విజయ్ కొత్త సినిమా.. కీలక పాత్రల్లో సీనియర్ స్టార్స్!
