Chiranjeevi Radhika movie: ఇటీవలే 'ఆచార్య' సినిమాతో ప్రేక్షకుల ముందుకు వచ్చారు మెగాస్టార్ చిరంజీవి. యువ హీరోలకు దీటుగా వరుస సినిమాలు చేస్తున్న ఆయన ప్రస్తుతం రెండు, మూడు ప్రాజెక్టులను ఒకేసారి నడిపిస్తున్నారు. అయితే ఇప్పుడాయన మరో కొత్త సినిమాకు గ్రీన్సిగ్నల్ ఇచ్చారని తెలిసింది. ఈ విషయాన్ని సీనియర్ నటి రాధిక సోషల్మీడియాలో ట్వీట్ చేశారు. తన బ్యానర్లో ఓ మాస్ ఎంటర్టైనర్ మూవీ చేయబోతున్నారని తెలిపారు.
"థ్యాంక్యూ చిరు.. భవిష్యత్లో రాడాన్ ప్రొడక్షన్ హౌస్లో ప్రాజెక్ట్ చేస్తానని ఒప్పకున్నందుకు. కింగ్ ఆఫ్ మాస్తో బ్లాక్బస్టర్ చేసేందుకు ఎంతో ఆసక్తిగా ఎదురుచూస్తున్నా" అని రాధిక ట్వీట్ చేశారు. అయితే ఈ చిత్ర వివరాలు ఏమీ తెలుపలేదు. ప్రస్తుతం చిరు.. 'భోళాశంకర్', 'గాడ్ఫాదర్', బాబీ దర్శకత్వంలో ఓ సినిమా చేస్తున్నారు. గతంలో చిరు-రాధిక కలిసి 'అభిలాష', 'దొంగమొగడు', 'యమకింకరుడు', 'రాజా విక్రమార్క' వంటి బ్లాక్ బస్టర్ హిట్ చిత్రాల్లో నటించారు.
ఇదీ చూడండి: Acharya Movie Review: 'ఆచార్య' ఎలా ఉందంటే?
