Malaika Arora Road accident: కారు ప్రమాదానికి గురైన బాలీవుడ్ నటి మలైకా అరోరా ఆస్పత్రి నుంచి డిశ్చార్జ్ అయినట్లు తెలిసింది. నేడు (ఆదివారం) ఉదయం హీరో అర్జున్ కపూర్ ఆమెను ఇంటికి తీసుకొచ్చేసినట్లు మలైకా సిస్టర్ అమృతా అరోరా తెలిపారు. 'ప్రస్తుతం ఆమె ఇంటి దగ్గరే కోలుకుంటోంది' అని అమృతా పేర్కొన్నారు.
గత రాత్రి(శనివారం) మలైకా అరోరా ప్రయాణిస్తున్న కారు ప్రమాదానికి గురైంది. ముంబయి నుంచి పూణె వెళ్తుండగా పన్వేల్ సమీపంలో ఈ ప్రమాదం జరిగినట్లు తెలుస్తోంది. మలైకా డ్రైవర్ నియంత్రణ కోల్పోవడం వల్ల.. అదే సమయంలో రాజ్ ఠాక్రే పార్టీ మహారాష్ట్ర నవనిర్మాణ సేన (ఎంఎన్ఎస్) మీటింగ్ కోసం వెళ్తున్న వాహనాలను.. కారు ఢీ కొట్టింది. ఈ ప్రమాదంలో మలైకా అరోరా తలకు గాయమైంది. వెంటనే ఆమెను ఎంఎన్ఎస్ నేతలు ఆపోలో ఆస్పత్రికి తరలించారు.
ఇదీ చూడండి: హీరోయిన్ కారుకు ప్రమాదం - అపోలోకు తరలింపు
