అర్జునుడుగా మహేశ్​.. టీచర్​గా అల్లరినరేశ్​.. ​నాని కష్టాలు!

కొత్త సినిమా అప్డేట్స్​ వచ్చాయి. ఇందులో మహేశ్​బాబు, ధనుశ్​, అల్లరినరేశ్​, నాని సినిమాల సంగతులు ఉన్నాయి. ఆ వివరాలు..

Dhanush Hollywood movie: కోలీవుడ్ స్టార్‌ కథానాయకుడు ధనుశ్​ నటిస్తున్న హాలీవుడ్​ సినిమా 'ది గ్రే మ్యాన్'​. రస్సో బ్రదర్స్‌ ఈ చిత్రాన్ని తెరకెక్కిస్తున్నారు. రియాన్‌ గోస్లింగ్‌, క్రిస్‌ ఎవాన్స్‌, అనా డి అర్మాస్‌, జెస్సికా హెన్విక్‌ తదితర హాలీవుడ్‌ నటులు కీలక పాత్రలు పోషిస్తున్నారు. త్వరలోనే నెట్​ఫ్లిక్స్​లో స్ట్రీమింగ్​ కానున్న ఈ సినిమా ట్రైలర్​ను మే 25న విడుదల చేస్తామని మూవీటీమ్​ తెలిపింది. జులై 22నుంటి మూవీ అందుబాటులో ఉండనుందని పేర్కొంది.

ధనుశ్ ది గ్రే మ్యాన్​

Mahesh Trivikram movie title: 'అతడు', 'ఖలేజా' తర్వాత త్రివిక్రమ్‌- మహేశ్‌బాబు కాంబినేషన్‌లో తెరకెక్కబోయే మూవీ గురించి ఓ ఆసక్తికర వార్త సినీ వర్గాల్లో చక్కర్లు కొడుతోంది. ఇంకా సెట్స్​పైకి వెళ్లని ఈ సినిమా టైటిల్​ను ఖరారు చేసే పనిలో మూవీటీమ్​ ఉందని తెలుస్తోంది. 'అర్జునుడు' అనే టైటిల్​ను పరిశీలిస్తున్నారట! కాగా, త్రివిక్రమ్‌కు 'అ' అనే అక్షరం సెంటిమెంట్ ఉన్న సంగతి తెలిసిందే. 'అతడు, 'అత్తారింటికి దారేది', 'అఆ', 'అరవింద సమేత వీరరాఘవ', 'అల వైకుంఠపురములో' లాంటి సినిమాలన్నీ ఈ సెంటిమెంట్‌తోనే బ్లాక్ బస్టర్ హిట్స్ అవడంతో పాటు మంచి కలెక్షన్స్ అందుకున్నాయి. అందుకే ఆ సెంటిమెంట్‌నే మహేశ్ చిత్రానికి కూడా కొనసాగించాలని త్రివిక్రమ్ భావిస్తున్నారట. దాదాపు అర్జునుడు టైటిల్ ఖాయం చేయవచ్చని సమాచారం. మహేశ్ తండ్రి సూపర్​స్టార్​ కృష్ణ పుట్టినరోజు సందర్భంగా ఈ సినిమా టైటిల్ లోగోను మే 31న రివీల్ చేయబోతున్నారని వినికిడి.

Nani Antey sundaraniki song release: నేచురల్‌ స్టార్‌ నాని నటించిన 'అంటే సుందరానికీ' సినిమా జూన్‌ 10న ప్రేక్షకుల ముందుకు రానుంది. ఈ నేపథ్యంలో సినిమాకు సంబంధించిన అప్డేట్స్​ను వరుసగా విడుదల చేస్తున్న ఈ మూవీటీమ్​ తాజాగా 'రంగో రంగ' అనే లిరికల్​ వీడియో సాంగ్​ను రిలీజ్​ చేసింది. ఇందులో నాని పడుతున్న కష్టాలను వివరించారు. ఇక ఈ గీతాన్ని ఎన్​ సీజ కరుణ్య ఆలపించగా, సానాపాటి భరద్వాజ్​ లిరిక్స్​ అందించారు. వివేక్ సాగర్​ సంగీతం సమకూర్చారు. వివేక్‌ ఆత్రేయ దర్శకత్వంలో వస్తోన్న ఈ సినిమాలో నాని సరసన మలయాళ భామ నజ్రియా నటిస్తోంది. కంప్లీట్‌ ఫ్యామిలీ, కామెడీ ఎంటర్టైనర్‌గా తెరకెక్కుతోన్న ఈ సినిమాను మైత్రీ మూవీస్‌ మేకర్స్ బ్యానర్‌పై నవీన్‌ యెర్నేని, వై.రవి శంకర్‌లు సంయుక్తంగా నిర్మిస్తున్నారు.

• " class="align-text-top noRightClick twitterSection" data="">

Allarinaresh itlu maredumilli prajanikam movie: విలక్షణమైన నటుడు అల్లరి నరేష్‌ తాజా చిత్రం 'ఇట్లు మారేడుమిల్లి ప్రజానీకం'. ఆనంది కథానాయిక. జీ స్టూడియోస్‌ సమర్పణలో, హాస్య మూవీస్‌ సంస్థ నిర్మిస్తోంది. ఎ.ఆర్‌.మోహన్‌ దర్శకత్వం వహిస్తున్నారు. రాజేష్‌ దండు నిర్మాత. తాజాగా ఈ సినిమా గురించి ఓ ఆసక్తికరమైన వార్త ఒకటి బయటకు వచ్చింది. ఇందులో నరేశ్​ స్కూల్​ టీచర్​గా నటించనున్నట్లు తెలిసింది. ఎలక్షన్​ డ్యూటీ మీద ఓ గ్రామానికి వెళ్లగా అక్కడే జరిగే పరిణామాలను ఆయన ఎలా ఎదుర్కొన్నారనేది ఈ చిత్ర కథాంశమని తెలుస్తోంది. మొత్తంగా ఈ మూవీ ఓ సీరియస్​ డ్రామాగా నడుస్తుందట! కాగా, ఈ చిత్రంలో వెన్నెల కిషోర్‌, ప్రవీణ్‌ ఇతర పాత్రల్లో నటిస్తున్నారు. అబ్బూరి రవి-మాటలు, శ్రీచరణ్‌ పాకాల- సంగీతం, రామ్‌రెడ్డి-ఛాయాగ్రహణం అందిస్తున్నారు.

ఇదీ చూడండి: 'మేజర్‌' స్ట్రాటజీ.. విడుదలకు ముందే చూసే అవకాశం