బాలీవుడ్లోని ప్రముఖ దర్శక నిర్మాత కరణ్ జోహార్పై స్టార్ హీరోయిన్ కంగనా రనౌత్ మరోసారి సంచలన ఆరోపణలు చేశారు. తన కో స్టార్ ప్రియాంక చోప్రాను ఆయన బ్యాన్‌ చేశాడంటూ ఆరోపించారు. నటుడు షారుక్ ఖాన్తో ప్రియాంక క్లోజ్ ఉండడాన్ని కరణ్ తట్టుకోలేకపోయారని.. అందుకే ఆమెను మానసికంగా వేధించారంటూ ట్విట్టర్ వేదికగా తన స్నేహితురాలికి మద్దతు తెలుపుతూ సంచలన వ్యాఖ్యలు చేశారు. ప్రస్తుతం ఈ ట్వీట్స్ సోషల్ మీడియాలో తీవ్ర దుమారాన్ని రేపుతున్నాయి.
"బాలీవుడ్లో కొంతమంది గ్యాంగ్‌గా మారి ప్రియాంకను అవమానించారు. స్వయం కృషితో ఎదిగిన ఓ మహిళను భారత్‌ వదిలి వెళ్లిపోయేలా చేశారు. కరణ్ జోహార్ ఆమెను బ్యాన్‌ చేశారనే విషయం అందరికి తెలుసు. షారుఖ్ఖాన్‌తో ప్రియాంక సన్నిహితంగా ఉండటం కరణ్‌కు నచ్చలేదు. అందుకే ఆమెను దూరం పెట్టాడు. ఈ విషయంపై అప్పట్లో మీడియాలో ఎన్నో కథనాలు వచ్చాయి. సినీ పరిశ్రమ వాతావరణాన్ని, సంస్కృతిని నాశనం చేసినందుకు ఆ వ్యక్తి (కరణ్‌ను ఉద్దేశిస్తూ) బాధ్యత వహించాలి. అమితాబ్‌ బచ్చన్‌, షారుక్ లాంటి ప్రముఖులు సినిమాల్లోకి వచ్చిన రోజుల్లో ఇలాంటి పరిస్థితులు అస్సలు లేవు" అంటూ వరుస ట్వీట్లు చేశారు.
-
This is what @priyankachopra has to say about bollywood, people ganged up on her, bullied her and chased her out of film industry” a self made woman was made to leave India. Everyone knows Karan Johar had banned her (1/2) https://t.co/PwrIm0nni5
— Kangana Ranaut (@KanganaTeam) March 28, 2023 " class="align-text-top noRightClick twitterSection" data="
">This is what @priyankachopra has to say about bollywood, people ganged up on her, bullied her and chased her out of film industry” a self made woman was made to leave India. Everyone knows Karan Johar had banned her (1/2) https://t.co/PwrIm0nni5
— Kangana Ranaut (@KanganaTeam) March 28, 2023This is what @priyankachopra has to say about bollywood, people ganged up on her, bullied her and chased her out of film industry” a self made woman was made to leave India. Everyone knows Karan Johar had banned her (1/2) https://t.co/PwrIm0nni5
— Kangana Ranaut (@KanganaTeam) March 28, 2023
అసలు ఏం జరిగింది?
బాలీవుడ్ పరిశ్రమపై ప్రముఖ నటి ప్రియాంక చోప్రా తాజాగా ఓ అమెరికన్ మీడియాకు ఇచ్చిన ఇంటర్వ్యూలో సంచలన కామెంట్స్ చేశారు. ఓ పాడ్‌కాస్ట్‌లో యాంకర్ అడిగిన ప్రశ్నలకు ఆమె చెప్పిన ప్రశ్నలు ప్రస్తుతం చర్చలకు దారి తీస్తున్నాయి. ఆమె బాలీవుడ్కు ఎందుకు దూరమయ్యారు అని యాంకర్ అడిగిన ప్రశ్నకు.. హిందీ చిత్ర పరిశ్రమలో రాజకీయాలు ఎక్కువగా ఉంటాయని, వాటిని తట్టుకోలేకే తాను హాలీవుడ్‌కు వచ్చేశానని తెలిపారు. అంతే కాకుండా బీ టౌన్లో తాను ఎన్నో వేధింపులు ఎదుర్కొన్నట్లు చెప్పారు.
"బాలీవుడ్ ఇండస్ట్రీలో నన్ను ఓ పక్కకు తోసేశారు. ఎవరూ నాకు అవకాశాలు ఇచ్చేవారు కాదు. పలువురితో పరస్పర విభేదాలు ఏర్పడేవి. అక్కడ రాజకీయాలు ఉంటాయి. వాటితో నేను విసిగిపోయా. అందుకే ఆ ఇండస్ట్రీ నుంచి బ్రేక్‌ తీసుకోవాలనిపించింది. అలా అమెరికా వచ్చేశా. 'దేశీ హిట్స్‌'కు చెందిన అంజులా ఆచార్య తన మ్యూజిక్‌ వీడియో చూసి.. హాలీవుడ్‌లో అవకాశాలు కల్పించారు" అని ప్రియాంక తెలిపారు. ఈ వ్యాఖ్యలు నెట్టింట తీవ్ర దుమారం రేపాయి. ఈ క్రమంలో కంగన, వివేక్‌ అగ్నిహోత్రి లాంటి సినీ ప్రముఖులు ఆమెకు సోషల్ మీడియా వేదికగా మద్దతు తెలుపుతుంటే మరికొందరు మాత్రం ప్రియాంకపై విమర్శల గుప్పిస్తున్నారు.
బాలీవుడ్లో ఎన్నో సూపర్‌హిట్‌ సినిమాల్లో మెరిసిన ప్రియాంక 'క్వాంటికో' అనే టీవీ సిరీస్‌తో హాలీవుడ్‌ ప్రేక్షకులకు దగ్గరయ్యారు. 'ఏ కిడ్‌ లైక్‌ జాక్', 'బేవాచ్‌', 'వుయ్‌ కెన్‌ బీ హీరోస్‌', 'ది వైట్‌ టైగర్‌' తదితర చిత్రాల్లో నటించారు. పలు షోలకు హోస్ట్‌గా వ్యవహరించి ప్రశంసలు అందుకున్నారు. హాలీవుడ్‌కు చెందిన ప్రముఖ పాప్‌ సింగర్‌ నిక్‌ జోనాస్‌ను ప్రేమించి వివాహ బంధంలోకి అడుగుపెట్టారు. వీరికి ఓ పాప కూడా ఉంది.
