Jawan SRK Role : మరి కొన్ని గంటల్లో బాలీవుడ్ స్టార్ హీరో షారుక్ ఖాన్ నటించిన జవాన్ ఆడియెన్స్ ముందుకు గ్రాండ్గా రాబోతుంది. ఈ చిత్రం కోసం దేశ వ్యాప్తంగా ఉన్న బాద్ షా అభిమానులు, సినీ ప్రేమికులంతా ఎంతో ఉత్సుకతో ఎదురుచూస్తున్నారు. ఇప్పటికే విడుదలైన టీజర్, ట్రైలర్, సాంగ్స్.. అన్నీ ఆడియెన్స్ను తెగ ఇంప్రెస్ చేశాయి. దీంతో పాటే మూవీపై మంచి హైప్ క్రియేట్ చేశాయి. అయితే ఈ సినిమాలో బాద్షా డ్యుయెల్ రోల్ చేసిన సంగతి తెలిసిందే.
పోలీస్ ఆఫీసర్గా, రా అధికారిగా, హైజాక్ చేసే ఓ నెగటివ్ రోల్.. ఇలా బాద్షా డిఫరెంట్ లుక్స్లో కనిపించి సినిమాపై ఆసక్తిని పెంచారు. అలానే విలన్గా నటించిన విజయ్ సేతుపతి కూడా దేశానికి విరుద్ధంగా వెపన్ స్మగ్లర్ గా కనిపించారు. దీంతో వీరిద్దరిని స్క్రీన్పై చూసేందుకు ఫ్యాన్స్ ఎంతో ఆసక్తిగా ఉన్నారు. అయితే తాజాగా ఓ ఇంటర్వ్యూలో పాల్గొన్న షారుక్-విజయ్ తమ పాత్రల గురించి కొన్ని ఇంట్రెస్టింగ్ విషయాలను చెప్పుకొచ్చారు. సినిమాలో తమ పాత్ర ఎలా ఉండబోతుందో వివరించారు.
Vijay Sethupathi Jawan Movie : 'మీరు విలనా? హీరోనా? లేదా విలన్-హీరోనా?' అని ప్రశ్నించగా.. ప్రతిఒక్కరి మంచి కోసం అసాధారణమైన పనులు చేసేదే తన పాత్ర అని అన్నారు బాద్ షా. "ప్రతిఒక్కరి మంచి కోసం అసాధారణమైన పనులు చేయబోయే ఓ కామన్ మ్యాన్ రోల్" అని తెలిపారు షారుక్. 'విలన్ పాత్రను ఎందుకు ఎంచుకున్నారు? ఈ పాత్ర కోసం ఎలా సన్నద్ధమయ్యారు?' అని అడగగా.. "నాకు తెలిసినంత వరకు నేను మంచి కథలనే ఎంచుకుంటూ ముందుకెళ్తున్నాను. అందులో ఉన్న నా పాత్ర ఎలాంటిదా అని నేను ఆలోచించను. ఒకవేళ అలా ఆలోచిస్తే.. అది నాలోని ఓ మంచి నటుడిని పాడు చేస్తుందని నేను అనుకుంటాను" అని విజయ్ సేతుపతి అన్నారు. ఇకపోతే ఈ సినిమాలో నయనతార, దీపికా పదుకొణె, ప్రియమణి, సాన్యా మల్హోత్రా, యోగిబాబు, సునీల్‌ గ్రోవర్‌ లాంటి స్టార్స్ ఇతర ప్రధాన పాత్రలను పోషించారు. అనిరుధ్‌ సంగీతం అందించారు. అట్లీ దర్శకత్వం వహించారు.
- " class="align-text-top noRightClick twitterSection" data="">
Jawan Advance Booking : అడ్వాన్స్ బుకింగ్స్లో 'జవాన్' జోరు.. 'పఠాన్' రికార్డ్స్ బ్రేక్!
Jawan Movie Interesting Facts : 'ఇన్నేళ్ల తర్వాత ఆమెపై రివెంజ్‌ తీర్చుకున్నాను'
