ప్రముఖ కన్నడ దర్శకుడు ప్రశాంత్ నీల్తో సినిమా అంటే అభిమానుల్లో భారీ అంచనాలే ఉంటాయి. ఎందుకంటే కేజీయఫ్, కేజీయఫ్ చాప్టర్ 2 వంటి బ్లాక్బస్టర్లను సౌత్ ఇండస్ట్రీకి అందించాడు. అయితే ప్రశాంత్ నీల్.. జూ.ఎన్టీఆర్తో కలిసి 'ఎన్టీఆర్ 31' సినిమా చేయబోతున్నారన్న విషయం తెలిసిందే. అయితే ఇప్పుడీ సినిమా గురించి ఆసక్తికరమైన వార్త ఒకటి బయటకు వచ్చింది. ఈ చిత్రంలోని కీలక పాత్రలో ఆమీర్ నటించే అవకాశం ఉందని సినీ వర్గాలు చెబుతున్నాయి. ప్రశాంత్ నీల్.. విలన్ రోల్ కోసం అమీర్ ఖాన్‌ను సంప్రదించినట్లు సమాచారం. వీరిద్దరు కలిసి ఈ పాత్ర గురించి డిస్కస్ చేశారని, ఆమిర్కు కూడా ఈ పాత్ర నచ్చిందని తెలుస్తోంది. ఇప్పుడీ విషయం హాట్ టాపిక్గా మారింది. త్వరలోనే దీనిపై అధికారిక ప్రకటన వచ్చే అవకాశముంది. ఇక ఈ విషయం తెలుసుకున్న ఫ్యాన్స్ తెగ సంబరపడిపోతున్నారు.
ఇకపోతే ఆర్ఆర్ఆర్తో సూపర్ హిట్ అందుకున్న తారక్.. ప్రస్తుతం కొరటాలతో చేయబోయే సినిమా కోసం సిద్ధమవుతున్నారు. ఇది కూడా ఇంకా సెట్స్పైకి వెళ్లలేదు. ఈ చిత్రం పూర్తయ్యాకే ప్రశాంత్ నీల్ సినిమాలో నటిస్తారు. ఇక ప్రశాంత్ నీల్ విషయానికొస్తే.. ప్రస్తుతం ప్రభాస్‌ హీరోగా సలార్‌ అనే చిత్రాన్ని తెరకెక్కిస్తున్నారు. శ్రుతి హాసన్‌ కథానాయికగా నటిస్తున్న ఈ సినిమా 2023 సెప్టెంబరు 28న విడుదల కానుంది.
ఇవీ చదవండి:
