ఏప్రిల్ 8 టాలీవుడ్ హీరో అక్కినేని అఖిల్ బర్త్డే. ఈ సందర్భంగా సామాజిక మాధ్యమాల వేదికగా ఈ యంగ్ హీరోకు అభిమానులు, ప్రముఖులు విషెస్ తెలుపుతున్నారు. అయితే ఇదంతా కామనే అయినప్పటికీ ఓ వ్యక్తి చేసిన విష్ ఇప్పుడు సోషల్ మీడియాలో వైరల్ అవుతోంది. అది ఇంకెవరిదో కాదు టాలీవుడ్ స్టార్ హీరోయిన్ సమంతది. అక్కినేని ఇంటి మాజీ కోడలైన ఈ తార.. అఖిల్కు బర్త్డే విషస్ చెప్పింది.
అఖిల్ నటిస్తున్న ఏజెంట్ సినిమా పోస్టర్ను ఇన్స్టాలో పోస్ట్ చేసి.. దానికి 'హ్యాపీ బర్తడే అఖిల్.. ఏజెంట్ ఆన్ ఏప్రిల్ 28.. దిజ్ ఈజ్ గోయింగ్ టు బి ఫైర్.. లాట్స్ ఆఫ్ లవ్ అంటూ క్యాప్షన్ను రాసుకొచ్చింది. ప్రస్తుతం ఈ పోస్ట్ నెట్టింట వైరల్ అవుతోంది. అయితే నాగచైతన్యతో విడిపోయినా కూడా అక్కినేని కుటుంబంతో మాత్రం సమంతకు ఇప్పటికీ మంచి అనుబంధం ఉంది అన్న విషయం ఈ ఒక్క పోస్ట్తో నిరూపితమయ్యిందని అభిమానులు కామెంట్లు పెడుతున్నారు. అయితే గతేడాది కూడా అఖిల్ బర్త్డేకు సామ్‌ విష్ చేసినా.. అఫీషియల్గా అయితే అఖిల్ స్పందించినట్లు కనిపించలేదు. పర్సనల్‌గా థాంక్యూ చెప్పుండచ్చని అభిమానులు అంటున్నారు. మరి ఈ సారైనా అఖిల్ అఫీషియల్గా స్పందిస్తారా లేదా అని ఎదురుచూస్తున్నారు.
అఖిల్తోనే కాకుండా అక్కినేని హీరో అయిన సుశాంత్‌ సినిమాలకు కూడా సామ్‌ తన బెస్ట్‌ విషెస్‌ను తెలియజేస్తూ సోషల్ మీడియాలో పోస్ట్లు పెడుతుంటారు. మరోవైపు అటు దగ్గుబాటి ఫ్యామిలీలోనూ రానా, మిహిక, వెంకటేశ్‌ కూతురు అశ్రితలతో ఆమెకు మంచి అనుబంధం ఉంది. ప్రస్తుతం సమంత శాకుంతలం ప్రమోషన్స్లో బిజీగా ఉన్నారు. ఏప్రిల్ 14న ఈ సినిమా ప్రపంచ వ్యాప్తంగా విడుదలకు సిద్ధంగా ఉంది. అలాగే సిటాడెల్, ఖుషి చిత్రాల షూటింగుల్లో పాల్గొంటున్నారు.
అక్కినేని అఖిల్ కూడా తన అప్కమింగ్ మూవీ ఏజెంట్ సినిమా ప్రమోషన్స్లో బిజీగా ఉన్నారు. ప్రముఖ డైరెక్టర్ సురేందర్‌రెడ్డి దర్శకత్వంలో వస్తున్న ఈ సినిమాలో సాక్షి వైద్య కథానాయిక. మలయాళ హీరో మమ్ముట్టి కూడా ఓ కీలక పాత్రలో పోషిస్తున్నారు. ఏప్రిల్ 28న తెలుగు, తమిళ, కన్నడ, హిందీ, మలయాళ భాషల్లో విడుదల కానుంది. ఈ నేపథ్యంలో 'ఏజెంట్' విశేషాలపై అఖిల్‌ను యాంకర్‌ సుమ ఇంటర్వ్యూ చేసింది. శనివారం అఖిల్ పుట్టిన రోజు సందర్భంగా ఈ ఇంటర్వ్యూ రిలీజ్‌ అవ్వనుంది. అందులో అఖిల్.. సుమతో సినిమా గురించి పలు ఆసక్తికర విషయాలను తెలియజేశారు. ప్రస్తుతం ఈ వీడియోకు సంబంధించిన ప్రోమో నెట్టింట తెగ వైరలవుతోంది.
- " class="align-text-top noRightClick twitterSection" data="">
