Maheshbabu SSMB 28: ఇటీవలే 'సర్కారు వారి పాట' చిత్రంతో ప్రేక్షకుల ముందుకు వచ్చిన హీరో మహేశ్బాబు.. తన తదుపరి సినిమా త్రివిక్రమ్తో చేయనున్నారు. వచ్చే నెలలోనే సెట్స్పైకి వెళ్లనున్న ఈ మూవీ కోసం 'అర్జునుడు' అనే టైటిల్ను ఫిక్స్ చేసినట్లు ఇది వరకు వార్తలొచ్చాయి. గతంలో మహేశ్, త్రివిక్రమ్ కలయికలో వచ్చిన 'అతడు', 'ఖలేజా' చిత్రాలు మంచి సక్సెస్ సాధించిన నేపథ్యంలో ఈ హ్యాట్రిక్ కాంబోపై భారీ అంచనాలు నెలకొన్నాయి.
SSMB 28 Heroine: హారిక అండ్ హాసినీ క్రియేషన్స్, సితార ఎంటర్టైన్మెంట్స్ సంయుక్త నిర్మాణంలో ఈ సినిమా తెరకెక్కనుంది. ఈ చిత్రంలో బుట్టబొమ్మ పూజా హెగ్డే కథానాయికగా నటిస్తున్నట్టు నిర్మాతలు అధికారికంగా ప్రకటించారు. ఇదిలా ఉండగా ఈ మూవీకి సంబంధించి తాజాగా ఓ వార్త సోషల్ మీడియాలో చక్కర్లు కొడుతోంది. మరో కథానాయికగా రష్మికను ఎంచుకున్నట్లు తెలుస్తోంది. రష్మిక సైతం మహేశ్ బాబుతో 'సరిలేరు నీకెవ్వరు' చిత్రంలో జోడీ కట్టింది. ఇంతకీ SSMB 28లో రష్మిక రెండో హీరోయిన్గా నటిస్తుందా?.. అసలు ఈ వార్తల్లో నిజమెంత అనేది చూడాలి.
ఇవీ చదవండి: 'సల్మాన్ ఖాన్ హత్య బెదిరింపులు వారి పనే.. త్వరలోనే అరెస్ట్ చేస్తాం'
'కనిపించేంత సరదాగా ఉండను ఏడ్చేస్తా'.. బాడీ షేమింగ్పై రోహిణి ఏమందంటే?
