సూపర్స్టార్ రజనీకాంత్ సినిమా అంటే అభిమానులకు పండగే. ప్రస్తుతం ఆయన నుంచి రాబోతున్న కొత్త చిత్రం 'జైలర్'. ఇందులో రజనీ.. ముత్తువేల్‌ పాండ్యన్గా కనిపించనున్నారు. ఇప్పటికే ఈ చిత్ర టీజర్ కూడా విడుదలై ఫ్యాన్స్ను ఆకట్టుకుంది. ఇందులో రజనీ.. కూల్గా ఉంటూనే కత్తి పట్టుకుని నడుస్తూ కనిపించారు. బ్యాక్గ్రౌండ్ అంటా చీకటిలోనే ఉంది. అయితే ఇంటెన్స్ యాక్షన్ డ్రామాగా తెరకెక్కుతున్న ఈ చిత్రం గురించి తాజాగా ఓ ఆసక్తికరమైన వార్త ఒకటి బయటకు వచ్చింది.
అదేంటంటే.. ఈ చిత్రం కార్తి నటించిన సూపర్ హిట్ సినిమా 'ఖైదీ' తరహాలోనే ఉంటుందని అంటున్నారు. ఈ సినిమా అంతా కూడా ఒక్క రాత్రిలోనే జరిగిపోతుందట. 'ఖైదీ' చిత్రం మొత్తం ఒక్క రాత్రిలోనే జరిగినట్లు చూపించినా కథ, యాక్షన్ పరంగా ఆడియెన్స్కు బాగా ఆకట్టుకుంది. మరి ఇదే కాన్సెప్ట్తో వస్తున్న 'జైలర్' ఎలా ఉంటుందో చూడాలి. కాగా, ఇప్పటికే బాగా హైప్‌తో రిలీజైన 'కబాలి', '2.0', 'పేట', 'అన్నార్తె' సినిమాలు పాజిటివ్ టాక్ తెచ్చుకున్నా రజనీకి ఉన్న క్రేజ్ స్థాయిలో హిట్టవ్వలేకపోయాయి. దీంతో ప్రస్తుతం రజనీ ఆశలన్నీ 'జైలర్' సినిమాపైనే ఉన్నాయి.
ఇకపోతే జైలర్ మూవీలో రజనీతోపాటు శివ రాజ్‌కుమార్‌, రమ్యకృష్ణ, యోగి బాబు, ప్రియాంక మోహన్ తదితరులు కీలక పాత్ర పోషిస్తున్నారు. శివ కార్తికేయన్ అతిథి పాత్రలో కనిపించనున్నారు. యాక్షన్ ఎంటర్‌టైనర్‌గా తెరకెక్కుతున్న ఈ చిత్రాన్ని సన్‌ పిక్చర్స్‌ బ్యానర్‌పై కళానిధి మారన్‌ అత్యంత భారీ బడ్జెట్‌తో నిర్మిస్తున్నారు.
- " class="align-text-top noRightClick twitterSection" data="">
ఇదీ చూడండి: నా భర్తతో పవిత్ర పెళ్లి జరగనివ్వను.. విడాకులు ఇవ్వను: నరేశ్ భార్య
