మెగా పవర్ స్టార్ రామ్ చరణ్, దిగ్గజ దర్శకుడు శంకర్ కాంబోలో తెరకెక్కుతున్న సినిమా 'ఆర్సీ 15'. పాన్ ఇండియా మూవీగా తెరకెక్కుతున్న ఈ సినిమాలో రామ్ చరణ్కు జోడీగా కియారా అడ్వాణీతో పాటు అంజలి నటిస్తోంది. కాగా ఇప్పటికే ఈ మూవీ విదేశాలతో పాటు ఇండియాలోని పలు టాప్ లోకేషన్స్లో శరవేగంగా షూటింగ్ పూర్తి చేసుకుంది. ఇంకొన్ని లొకేషన్స్లో షూట్ చేయాల్సి ఉంది. అయితే ఈ సినిమా 2024 సంక్రాంతి బరిలోకి దిగనున్నట్లు అప్పట్లో టాక్ నడిచింది.
అయితే మధ్యలో శంకర్ మరో ప్రాజెక్టైన ఇండియన్ 2 షూటింగ్ కూడా పెండింగ్లో ఉన్నందున ఆ పనుల్లో బిజీ అయిపోయారు డైరెక్టర్. దీంతో ఆర్సీ 15 షూట్ కూడా పెండింగ్లో ఉండిపోయింది. అంతే కాకుండా హీరో హీరోయిన్ల బిజీ షెడ్యూల్ వల్ల కూడా సినిమా విడుదల ఓ మేరకు వాయిదా పడిందనే చెప్పాలి. దీంతో ఇక సినిమా రిలీజయ్యేందుకు లేట్ అవుతుందని ఫ్యాన్స్ ఫిక్స్ అయిపోయారు. అయితే తాజాగా నెట్టింట చక్కర్లు కొడుతున్న ఓ సమాచారం ప్రకారం ఈ సినిమా 2024 సమ్మర్కు రిలీజయ్యేందుకు సన్నాహాలు చేస్తోందట.
పెండింగ్ షూటింగ్తో పాటు పోస్ట్ ప్రొడక్షన్ పనులను వేగంగా పూర్తి చేసి వేసవిలో విడుదల చేసేందుకు మూవీ మేకర్స్ డిసైడయ్యారట. ఒకవేళ సమ్మర్కు కాకుండా ముందుగా అనుకున్నట్లు సంక్రాంతికి రిలీజైతే.. ప్రభాస్ పాన్ ఇండియా మూవీ ప్రాజెక్ట్-కెకు ఇది అడ్డం పడ్డట్లే అని నెటిజన్లు అంటున్నారు. ఇలా అయితే 2024 సంక్రాంతి బరిలోకి ఇద్దరు టాప్ హీరోల పాన్ ఇండియా మూవీలు పోటీపడనున్నాయి.
ఇక సినిమాల విషయానికి వస్తే.. దిగ్గజ దర్శకుడు శంకర్ దర్శకత్వంలో పొలిటికల్ థ్రిల్లర్గా రూపొందుతోంది 'ఆర్సీ15'. పాన్ ఇండియా స్థాయిలో రూపొందుతున్న ఈ సినిమాలో కియారా అడ్వాణీ, అంజలితో పాటు ఎస్‌జే సూర్య, నవీన్ చంద్ర, సునీల్ తదితరులు కీలక పాత్రలు పోషిస్తున్నారు. మరో వైపు చరణ్ ఈ సినిమాలో ద్విపాత్రాభినయం చేస్తున్నారని సమాచారం. శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ ఈ మూవీని నిర్మిస్తున్నారు. అటు ప్రాజెక్ట్ కె లోనూ పలువురు దిగ్గజ స్టార్స్ సందడి చేయనున్నారు. ప్రభాస్ సరసన దీపిక నటిస్తుండగా, బిగ్బి అమితాబ్ బచ్చన్ కీలక పాత్రలో నటించనున్నారు. వైజయంతి మూవీస్ పతాకంపై తెరకెక్కుతున్న ఈ సినిమాకు నాగఅశ్విన్ దర్శకత్వం వహిస్తున్నారు. ఈ సినిమా షూటింగ్ ప్రస్తుతం శరవేంగా జరుగుతోంది.
