తమ సినిమాను ప్రేక్షకుల్లోకి తీసుకెళ్లడానికి రకరకాల ప్రమోషన్స్ చేస్తుంటాయి మూవీటీమ్స్. కొన్ని సందర్భాల్లో వినూత్నంగా కూడా ప్లాన్ చేస్తుంటాయి. అలా ఈ సారి ధమాకా మూవీ టీమ్ కూడా అదే చేసింది. రవితేజ హీరోగా నటించిన ఈ చిత్రం ఈ శుక్రవారం ప్రేక్షకుల ముందుకు రానుంది.
ఈ క్రమంలోనే మూవీ ప్రమోషన్స్ కోసం.. హీరోయిన్ శ్రీలీల చేసిన ఓ పని వైరల్ అవుతోంది. ఆమె హైదరాబాద్లోని ఏఎంబీ మాల్లో కాసేపు సందడి చేసింది. అక్కడికి వచ్చిన యూత్తో కలిసి సరదాగా డ్యాన్స్ కూడా చేసింది. ఇక ధమాకా అడ్వాన్స్ బుకింగ్ టికెట్స్ కూడా అమ్మింది. ఏకంగా హీరోయిన్ టికెట్స్ అమ్ముతుండేసరికి.. ఫ్యాన్స్ కౌంటర్కు క్యూ కట్టారు. ఈ క్రమంలోనే ఒక్కొక్కరితో మాట్లాడిన శ్రీలీల.. ధమాకాలో మీ ఫేవరెట్ సాంగ్ ఏది? ఆ స్టెప్ వేయండి ఓసారి అంటూ టికెట్స్ అమ్మింది.
