Alia Bhatt About Rashmika Mandanna : బాలీవుడ్ స్టార్ హీరో రణ్బీర్ కపూర్, 'నేషనల్ క్రష్' రష్మిక మందన్న లీడ్ రోల్లో టాలీవుడ్ డైరెక్టర్ సందీప్ రెడ్డి వంగ తెరకెక్కిన సినిమా 'యానిమల్'. శుక్రవారం విడుదలైన ఈ చిత్రం తొలి రోజు రూ.100 కోట్లకు పైగా కలెక్షన్లు సాధించి బాక్సాఫీసు ముందు దూసుకెళ్తోంది. అయితే 'యానిమల్' సక్సెస్పై ప్రముఖ బాలీవుడ్ నటి, రణ్బీర్ కపూర్ భార్య ఆలియా భట్ స్పదించారు. సినిమాలో రణ్బీర్ కపూర్ భార్యగా నటించిన రష్మికను ఆలియా ప్రశంసించారు.
'రష్మిక మందన్న మీరు చాలా చాలా అందంగా ఉన్నారు. నేను మీమ్మల్ని కలిసినప్పుడు ఏం చెప్పానో అలాగే ఉన్నారు. ఆ సీన్లో మీ నటన నాకు నచ్చింది. అది ప్రత్యేకంగా, స్ఫూర్తిదాయకంగా ఉంది. నేను పూర్తిగా '#క్రష్మికా' క్లబ్లో జాయిన్ అవుతున్నాను' అని ఇన్స్టా స్టోరీలో రాసుకొచ్చారు. ఆలియా పోస్ట్పై రష్మిక స్పందించారు. 'బిగ్ బిగ్ హగ్స్ యా.. లవ్ యూ' అని ఆలియా స్క్రీన్షాట్ను తన స్టోరీలో షేర్ చేశారు.
Animal Movie Cast : అయితే తెలుగుతో సహా పలు భాషల్లో నటించిన రష్మిక 'నేషనల్ క్రష్'గా గుర్తింపు పొందారు. రష్మికతో పాటు దర్శకుడు సందీప్ రెడ్డి వంగ, నటులు బాబీ దెఓల్, అనిల్ కపూర్, తృప్తి డిమ్రీ, శక్తి కపూర్ ఇతర తారాగణం టాలెంట్, అంకితభావాన్ని కొనియాడారు ఆలియా భట్. అద్భుతంగా నటించారని ప్రశంసించారు.
ఇక 'యానిమల్' సినిమా విషయానికి వస్తే.. తండ్రీ కొడుకుల సెంటిమెంట్తో రూపొందిన ఈ చిత్రంలో రణ్బీర్ కపూర్, రష్మిక మందన్నతో పాటు పలువురు బాలీవుడ్ స్టార్స్ నటించారు. నాన్న పాత్రలో బాలీవుడ్ స్టార్ హీరో అనిల్ కపూర్ కనిపించగా.. విలన్ రోల్లో బాబీ దేఓల్ నటించారు. ఈ చిత్రంలోని పాటలు, బ్యాక్గ్రౌండ్ స్కోర్ ప్రేక్షకులను తెగ ఆకట్టుకున్నాయి. అంతే కాకుండా రణ్బీర్ డిఫరెంట్ షేడ్స్ కూడా ప్రేక్షకుల్లో సినిమాపై ఇంట్రెస్ట్ పెంచాయి. ఈ మూవీని భద్రకాలీ పిక్చర్స్, టీసిరీస్ సంయుక్తంగా నిర్మించాయి.
'ఇప్పటి వరకు 20 సార్లు పెళ్లి చేసుకున్నాను - ఆ విషయంలో నాకు చాలా ఎక్స్పీరియెన్స్ ఉంది!'
పాన్ఇండియా రేంజ్లో 'సిల్క్ స్మిత' బయోపిక్ - హీరోయిన్ ఎవరో తెలుసా?
