విశాఖ కాపులుప్పాడ కొండపై అతిథిగృహ నిర్మాణాన్ని సవాల్ చేస్తూ... అమరావతి ఐకాస నేత గద్దె తిరుపతిరావు హైకోర్టులో దాఖలు చేసిన పిటిషన్పై విచారణ జరిగింది. గ్రేహౌండ్స్కు ఇచ్చిన స్థలంలో అతిథిగృహం సరికాదని పిటిషనర్ తరపు న్యాయవాది ఉన్నం మురళీధర్ వాదించారు. గ్రేహౌండ్స్ నక్సల్స్, టెర్రరిస్ట్ వ్యతిరేక దళం, రహస్య ఆపరేషన్ నిర్వహిస్తుంటుందని ధర్మాసనం దృష్టికి తీసుకెళ్లారు. గెస్ట్హౌస్కు కేటాయించిన 30 ఎకరాల్లో చెట్లు నరకవద్దని హైకోర్టు ఆదేశాలు జారీ చేసింది. అతిథిగృహం నిర్మాణం వ్యవహారంలో కేంద్ర ప్రభుత్వాన్ని ప్రతివాదిగా చేర్చాలని హైకోర్టు ఆదేశించింది. వారం రోజుల్లో కౌంటర్ దాఖలు చేయాలని ధర్మాసనం ప్రభుత్వాన్ని ఆదేశించింది.
ఇదీ చదవండీ...
