ఈటీవీ భారత్తో ఎల్ఐసీ ఉద్యోగ సంఘాలు
కేంద్ర ప్రభుత్వ బడ్జెట్లో ఎల్ఐసీ వాటాల విక్రయం దిశగా నిర్ణయాన్ని ప్రకటించడంపై ఉద్యోగ సంఘాలు తీవ్ర ఆగ్రహం వ్యక్తం చేస్తున్నాయి. విశాఖలో ఇన్సూరెన్స్ కార్పొరేషన్ ఉద్యోగుల సంఘం ప్రతినిధులు కేంద్ర ప్రభుత్వ వైఖరిపై ఆందోళన వ్యక్తం చేశారు. ప్రభుత్వ విశ్వాసాన్ని కలిగి ఉన్న లాభదాయక సంస్థను ప్రైవేటుపరం చేసే దిశగా తీసుకుంటున్న నిర్ణయాలకు వ్యతిరేకంగా ఆందోళనలు చేపడతామని వారు హెచ్చరించారు. ఈ నెల 4న అఖిల భారత బీమా ఉద్యోగుల సమాఖ్య పిలుపు మేరకు భోజన విరామం సమయంలో ఒక గంట వాక్ ఔట్ స్ట్రైక్ చేస్తున్నట్లు వెల్లడించారు.
