సీబీఐ మాజీ జేడీ ఒక అసమర్థ అధికారి!

విశాఖలో జనసేన ఎంపీగా పోటీ చేస్తున్న మాజీ జేడీ లక్ష్మీనారాయణ ఒక అసమర్థుడైన అధికారి అని అమలాపురం ఎంపీ రవీంద్రబాబు విమర్శించారు. ఆయన భాజపా, కాంగ్రెస్, తెదేపా ఏజెంట్ అని ఆరోపించారు.

సీబీఐ మాజీ జేడీ లక్ష్మీనారాయణకు..ఒక అసమర్థుడైన అధికారిగా పేరుందని అమలాపురం ఎంపీ రవీంద్రబాబు విశాఖలో ఆరోపించారు. మహారాష్ట్ర కేడర్​లో పనిచేసిన ఆయన పనితీరు బాగాలేదని పలు ప్రాంతాలకు బదిలీ చేశారని తెలిపారు. జగన్ ఎక్కడ ముఖ్యమంత్రి అవుతారో అన్న భయంతో అప్పటి కాంగ్రెస్, భాజపాలు కలిసి కుట్రలు పన్ని లక్ష్మీనారాయణను సీబీఐ జేడీగా నియమించి లేని పోని కేసులు బనాయించారని ఆరోపించారు. ఆ కేసుల్లో ఒక్కటీ నిలబడలేదన్నారు. ఎవరు ఎన్ని కుట్రలు పన్నినా జగనే కాబోయే ముఖ్యమంత్రి అని రవీంద్రబాబు విశ్వాసం వ్యక్తం చేశారు.

ఇవీ చూడండి.