నా కొడుకొస్తున్నాడు!

క్రియాశీల రాజకీయాల నుంచి తప్పుకొంటున్నట్టు మాజీ మంత్రి దగ్గుబాటి వెంకటేశ్వరరావు చెప్పారు. తన కుమారుడు హితేష్ వైకాపాలో చేరతారన్నారు.

రాజకీయం గ్లామర్ ప్రపంచం కాదని, ఒక బాధ్యత అని మాజీ మంత్రి దగ్గుబాటి వెంకటేశ్వరరావు అన్నారు. విజయవాడ మీట్ ది ప్రెస్ కార్యక్రమంలో పాల్గొన్న ఆయన...తన కుమారుడు హితేష్ రాజకీయ ప్రవేశం చేస్తున్నారని స్పష్టం చేశారు. 35 ఏళ్ళ సుదీర్ఘ రాజకీయ ప్రయాణం నుంచి తాను వైదొలగుతున్నట్టు చెప్పారు. తాడేపల్లిలో జగన్ గృహప్రవేశం రోజున హితేష్ వైకాపాలో చేరతారని తెలిపారు.