చంద్రబాబు నివాసానికి అధికారుల నోటీసులు

కృష్ణానదిలో వరద దృష్ట్యా చంద్రబాబు నివాసానికి అధికారులు నోటీసులిచ్చారు. ప్రాణాలకు ముప్పు వాటిల్లకుండా ముందస్తుగా ఇళ్లు ఖాళీ చేయాలని నోటీసులో పేర్కొన్నారు.

కృష్ణానది కరకట్ట ప్రాంతంలో ఉన్న చంద్రబాబు నివాసానికి రెవెన్యూ అధికారులు నోటీసులు అతికించారు. కృష్ణానదిలో వరద తీవ్రత ఎక్కువ ఉన్న నేపథ్యంలో అక్కడ ఉండవద్దని సూచించారు. తాడేపల్లి తహసీల్దార్ శ్రీనివాస్ పేరుతో నోటీసులు జారీ చేశారు. చంద్రబాబు లేకపోవటంతో భద్రతా సిబ్బందికి నోటీసులిచ్చారు. ప్రాణాలకు ముప్పు వాటిల్లకుండా ముందస్తుగా నోటీసులు జారీ చేస్తున్నామంటూ నోటీసులో పేర్కొన్నారు. కరకట్ట ప్రాంతంలో మిగిలిన భవనాల్లోనూ నివాసం ఉన్నవారికి నోటీసులు అందజేశారు.