విజయవాడ కేంద్రంగా 'లోకాయుక్త' కార్యకలాపాలు

ఇప్పటివరకూ హైదరాబాద్ కేంద్రంగా కార్యకలాపాలు కొనసాగిస్తున్న లోకాయక్త, ఉపలోకాయక్తలను విజయవాడకు తరలించునున్నారు. ఆర్ అండ్ బీ ప్రధాన కార్యాలయ భవనంలో ఏర్పాటు చేస్తున్నట్లు ఉత్తర్వులు జారీ అయ్యాయి.

లోకాయుక్తను విజయవాడ ఆర్ అండ్ బీ ప్రధాన కార్యాలయ భవనంలో ఏర్పాటు చేస్తున్నట్లు ప్రభుత్వం ఉత్తర్వులు జారీ చేసింది . ప్రస్తుతం హైదరాబాద్ బషీర్బాగ్ లో కొనసాగుతున్న లోకాయుక్త ,ఉప లోకాయుక్తలను విజయవాడకు తరలించనున్నారు . మహాత్మ గాంధీ రోడ్ లోని రోడ్డు భవనాల శాఖ ప్రధాన కార్యాలయ మొదటి అంతస్తులో లోకాయుక్త కార్యాలయంకు కేటాయించినట్లు ఉత్తర్వుల్లో పేర్కొన్నారు . ప్రస్తుతం లోకాయుక్తలో ఫిర్యాదు చేయాలంటే బాధితులు హైదరాబాద్కు వెళ్లాల్సి వస్తోంది . ఇప్పుడు విజయవాడకు తరలించేందుకు ప్రభుత్వం ఉత్తర్వులు జారీ చేయటంతో ఫిర్యాదుదారులు హర్షం వ్యక్తం చేస్తున్నారు .

ఇవీ చూడండి-ఉద్యోగాల పేరుతో టోకరా..2.70 కోట్లు స్వాహా