SANDRA ON JAGAN: తెలంగాణకు ఏపీ తీరని అన్యాయం చేస్తోంది: ఎమ్మెల్యే సండ్ర

తెలంగాణ రాష్ట్ర జల హక్కులను కాపాడుకునేందుకు సీఎం కేసీఆర్ చేస్తోన్న పోరాటంలో ప్రజలంతా అండగా నిలవాలని ఎమ్మెల్యే సండ్ర వెంకట వీరయ్య అన్నారు. ఖమ్మం జిల్లాలోని తల్లాడ మండల కేంద్రంలో నిర్వహించిన ఓ కార్యక్రమంలో పాల్గొన్న ఆయన పలువురు లబ్దిదారులకు కల్యాణ లక్ష్మి చెక్కులను పంపిణీ చేశారు.

నదీ జలాల ఒప్పందానికి విరుద్ధంగా కృష్ణాజలాల విషయంలో ఏపీ ప్రభుత్వం తెలంగాణకు తీరని అన్యాయం చేస్తోందని ఎమ్మెల్యే సండ్ర వెంకట వీరయ్య ఆరోపించారు. ఖమ్మం జిల్లా తల్లాడ మండల కేంద్రంలో నిర్వహించిన ఓ కార్యక్రమంలో పాల్గొన్న ఆయన 108 మంది లబ్దిదారులకు కల్యాణ లక్ష్మి, షాదీ ముబారక్ చెక్కులను పంపిణీ చేశారు.

కేంద్రం ప్రేక్షకపాత్ర వహిస్తోంది..

ఇప్పటికే కర్ణాటక ప్రభుత్వం ఆల్మట్టి ప్రాజెక్టు నిర్మాణం చేపట్టి దిగువన ఉన్న ఏపీ, తెలంగాణకు నీటిని రాకుండా చేసిందని ఎమ్మెల్యే సండ్ర వెంకట వీరయ్య తెలిపారు. దీనిని అడ్డుకునేందుకు రెండు తెలుగు రాష్టాల ముఖ్యమంత్రులు సమష్టిగా కృషి చేయాల్సిన ఈ సమయంలో రాయసీమ ఎత్తిపోతల ప్రాజెక్టు పేరుతో ఏపీ ప్రభుత్వం మరో వివాదానికి తెరలేపిందని ఆరోపించారు. జాతీయ హరిత ట్రిబ్యునల్ ఇచ్చిన తీర్పును కూడా పట్టించుకోకుండా అధికారులు రాత్రికి రాత్రే నిర్మాణాలు చేపడుతున్నారని మండిపడ్డారు. ఈ విషయంపై స్పందించాల్సిన కేంద్ర ప్రభుత్వం ప్రేక్షకపాత్ర వహిస్తోందని విమర్శించారు.

కొద్దిపాటి నీరు కూడా రాదు