వైకాపా పై విమర్శలు గుప్పించిన తెదేపా నేతలు
గత ప్రభుత్వ హయాంలో కేసులు వేసిన వైకాపా.. రాజధాని నిర్మాణాన్ని అడ్డుకుందని తెదేపా నేత దేవినేని ఉమ ఆరోపించారు. అమరావతి ప్రాంతంలో 5 వేల మంది రైతులకు ఇళ్ల నిర్మాణాలను తెదేపా ప్రభుత్వం చేపట్టిందని ఆయన పేర్కొన్నారు. సీఎం, మంత్రుల విరుద్ధ ప్రకటనలతో ప్రజల్లో గందరగోళం సృష్టిస్తున్నారని విమర్శించారు. విశాఖ చుట్టుపక్కల వైకాపా నాయకులు 6వేల ఎకరాలను కొనుగోలు చేశారని... వైకాపా నేతల ఇన్సైడర్ ట్రేడింగ్ పై సీబీఐతో విచారణ జరిపించాలని దేవినేని, నక్కా ఆనందబాబు డిమాండ్ చేశారు. అభివృద్ధి వికేంద్రీకరణ చేస్తే ఎవరికీ అభ్యంతరం లేదని ఉమ తెలిపారు. 13 జిల్లాల అభివృద్ధికి తెదేపా ప్రభుత్వం కూడా చర్యలు తీసుకుందని ఈ సందర్భంగా గుర్తు చేశారు. రాష్ట్రానికి వస్తున్న వ్యాపారవేత్తలు వైకాపా అసమర్థ పాలన వల్ల ఇతర రాష్ట్రాలకు మళ్లుతున్నారని అన్నారు.
ఇదీ చదవండి:
