శ్రీగోవిందరాజ స్వామి వారి తెప్పోత్సవాలు తిరుమలలో ఘనంగా ప్రారంభమయ్యాయి. మొదటిరోజు తిరుపతిలోని శ్రీకోదండరామస్వామివారి ఆలయం నుంచి శ్రీసీతా లక్ష్మణ సమేత శ్రీకోదండరామస్వామి వారి ఉత్సవర్లను ఊరేగింపుగా శ్రీగోవిందరాజస్వామివారి పుష్కరిణి వద్దకు తీసుకొచ్చారు. అనంతరం సీతా లక్ష్మణ సమేత శ్రీకోదండరామస్వామివారు తెప్పలపై పుష్కరణిలో విహరించి భక్తులకు కనువిందు చేశారు. కార్యక్రమంలో ఆలయ ప్రత్యేక శ్రేణి డిప్యూటీ ఈవోలు రాజేంద్రుడు, పార్వతి, ఏఈవో రవికుమార్‌ రెడ్డి, సూపరింటెండెంట్‌ రాజ్‌కుమార్‌, టెంపుల్‌ ఇన్‌స్పెక్టర్లు కామరాజు, మునీంద్రబాబు, విశేష సంఖ్యలో భక్తులు పాల్గొన్నారు.
ఇదీ చదవండి: రాష్ట్రంలో తుది దశ పంచాయతీ ఎన్నికల పోలింగ్ ప్రారంభం
