Hari Hara Veera Mallu Final Schedule Shooting : పవర్ స్టార్ పవన్ కల్యాణ్ నటిస్తోన్న చిత్రాల్లో 'హరిహర వీరమల్లు' ఒకటి. పవన్ రాజకీయాలతో బిజీగా ఉండటం వల్ల ఈ మూవీ కాస్త ఆలస్యం అవుతూ వస్తోంది. అయితే ఈ చిత్రాన్ని ఎలాగైనా వచ్చే ఏడాది వేసవిలో విడుదల చేసేందుకు సన్నాహాలు చేస్తోంది చిత్ర బృందం. ఇప్పుడు అందుకు తగ్గట్టుగా ప్రణాళిక వేసుకుంటూ ముందుకు వెళ్లనుంది. ప్రస్తుతం ముగింపు దశకు వచ్చిన ఈ సినిమా షూటింగ్ సెట్లోకి పవన్ అడుగు పెట్టేందుకు సిద్ధమయ్యారు.
సినిమాకు సంబంధించిన ఆఖరి షెడ్యూల్ విజయవాడలో ఈ వారాంతం నుంచి ప్రారంభం కానుంది. ఇందులో భాగంగా పవన్ కల్యాణ్పై అత్యంత కీలక సన్నివేశాలు తెరకెక్కించనున్నారట దర్శకుడు జ్యోతికృష్ణ. ఈషెడ్యూల్లో దాదాపు 200మంది ఆర్టిస్టులు కూడా పాల్గొననున్నట్లు సమాచారం అందింది.
చారిత్రక అంశాలతో ముడిపడి ఉన్న ఈ పీరియాడిక్‌ యాక్షన్‌ డ్రామాలో పవన్ కల్యాణ్ శక్తిమంతమైన యోధుడిగా కనువిందు చేయనున్నారు. రాబిన్ హుడ్ పాత్ర అని ఆ మధ్య వార్తలు వచ్చాయి. సినిమాను రెండు భాగాలుగా తెరపైకి తీసుకొస్తున్నారు. మొదటి భాగం హరి హర వీరమల్లు పార్ట్‌-1 స్వార్డ్‌ వర్సెస్‌ స్పిరిట్‌ పేరుతో రానుంది. మార్చి 28న థియేటర్లలో ప్రేక్షకుల ముందు కనువిందు చేయనుంది. ఏఎం రత్నం సమర్పిస్తున్న ఈ పాన్‌ ఇండియా సినిమాను ఎ.దయాకర్‌ రావు నిర్మిస్తున్నారు.
సినిమాలో నిధి అగర్వాల్‌ హీరోయిన్గా నటిస్తోంది. బాలీవుడ్ స్టార్స్ బాబీ దేవోల్, అనుపమ్‌ ఖేర్తో పాటు నాజర్‌ తదితరులు కీలక పాత్రలు పోషిస్తున్నారు. నోరాహి ఫతేహి, విక్రమ్‌ జీత్‌, జిషుసేన్‌ గుప్త ఇతర పాత్రల్లో కనిపించనున్నారు. ఆస్కార్ అవార్డ్ గ్రహీత కీరవాణి సంగీత దర్శకుడిగా వ్యవహరిస్తున్నారు. మెగా సూర్య ప్రొడక్షన్స్‌ బ్యానర్పై ఇది నిర్మితమవుతోంది. మొదట ఈ సినిమాకు క్రిష్ దర్శకత్వం వహించారు. కానీ ఇతర బిజీ షెడ్యూల్ కారణంగా క్రిష్ తప్పుకోగా, ఆ తర్వాత జ్యోతికృష్ణ దర్శకత్వ బాధ్యతలు తీసుకుని సినిమాను తెరకెక్కిస్తున్నారు.
బన్నీకి రౌడీబాయ్ స్పెషల్ గిఫ్ట్- వీళ్ల బాండింగ్ సూపరో సూపర్!
