చింతా మోహన్
రాష్ట్ర పరిపాలన గాడి తప్పుతోందనీ.. రాష్ట్రంలో నియంత పాలన కొనసాగుతోందని కేంద్ర మాజీ మంత్రి చింతామోహన్ మండిపడ్డారు. తిరుపతి ప్రెస్క్లబ్లో మీడియాతో మాట్లాడుతూ.. రాష్ట్రంలో అధికారులు పేరుకే ఉన్నారని.. వారి నిర్ణయాలు వైకాపా నాయకుల చేతుల్లో ఉంటాయని ధ్వజమెత్తారు. ప్రజాస్వామ్య పాలన కనుమరుగైపోతోందని ఆవేదన వ్యక్తంచేశారు. రాష్ట్ర ప్రభుత్వ తీరు రాజకీయ కక్షలతో సాగుతోంది తప్ప ప్రజాపాలన దిశగా సాగడంలేదని మండిపడ్డారు. అనాలోచిత నిర్ణయాల వల్ల రాష్ట్రానికి ఎనలేని నష్టం జరుగుతోందని.. మేధావుల ఆలోచనలను అనుసరించి ప్రజలకు మంచి జరిగే విధంగా చూడాలని సూచించారు. తిరుపతిలో గరుడ వారధి పనులు త్వరితగతిన పూర్తి చేసి దేశ, విదేశాల నుంచి వచ్చే యాత్రికులకు ఇబ్బంది కలగకుండా చూడాలన్నారు.
ఇవీ చదవండి
