నంద్యాల జిల్లాలో ఓ వాలంటీర్.. గ్రామస్తురాలి ఖాతా నుంచి 70 వేల రూపాయలు కొట్టేసిన ఘటన వెలుగు చూసింది. గడివేముల మండలం తిరుపాడులో ఈ ఘటన జరిగింది. రైతు భరోసా డబ్బులు రాలేదని అడిగిన నాగవేణి అనే మహిళతో వాలంటీర్ బాలమద్దులు నాలుగు సార్లు వేలి ముద్రలు వేయించుకున్నాడు. ఆధార్ కార్డు అవసరం ఉందని తీసుకువెళ్లాడు. వాటి ఆధారంగా మహిళ ఖాతా నుంచి 70 వేలు నగదు విత్ డ్రా చేశాడు. అనుమానం వచ్చిన మహిళ బ్యాంకుకు ఖాతా పరిశీలిస్తే... డబ్బులు మాయమైన విషయం తెలిసింది. నాగవేణి ఫిర్యాదు స్వీకరించిన పోలీసులు... ప్రస్తుతం వాలంటీరు పరారీలో ఉన్నాడని తెలిపారు.
వివరాలు వెల్లడిస్తున్న నాగవేణి
ఇదీ చదవండి:
