Road accident: కర్నూలు జిల్లా మంత్రాలయంలో పెళ్లి బాజాలు మోగాల్సిన ఇంట.. అంతులేని విషాదం నెలకొంది. మరో వారంలో వివాహం చేసుకుని సరికొత్త జీవితంలోకి అడుగుపెట్టాల్సిన భీమేశ్ అనే యువకుడు రోడ్డు ప్రమాదంలో మృతిచెందాడు. ఈ నెల 18 తేదీన పెళ్లి వేడుకలు నిర్వహించేందుకు పెద్దలు నిర్ణయించారు. ఈ క్రమంలో బంధువులకు ఆహ్వాన పత్రికలు పంచేందుకు బైక్పై వెళ్లుతున్న బీమేశ్‌ను... ఆంధ్ర, కర్ణాటక సరిహద్దు చెక్‌పోస్టు వద్ద బోలేరో వాహనం ఢీకొట్టింది. ఈ ఘటనలో భీమేశ్ అక్కడికక్కడే ప్రాణాలు విడిచాడు. ఈ దారణ సంఘటనతో.. పచ్చని తోరణాలతో కళకళలాడాల్సిన పెళ్లి ఇంట విషాద ఛాయలు అలుముకున్నాయి.
ఇవీ చదవండి:
