తెదేపా నేత నరసింహ ప్రసాద్​ ఆమరణ దీక్ష భగ్నం... అరెస్ట్​

TDP leader Narasimha Prasad: రైల్వేకోడూరు నియోజకవర్గాన్ని రాజంపేట కేంద్రంగా అన్నమయ్య జిల్లాలో ఉంచాలని చిట్వేల్ మండలం నాగవరంలో తెదేపా నాయకుడు నరసింహ ప్రసాద్​ చేస్తున్న ఆమరణ నిరాహార దీక్షను పోలీసులు భగ్నం చేశారు. అనంతరం అతనిని అరెస్ట్​ చేశారు.

TDP leader Narasimha Prasad: రాజంపేట కేంద్రంగా అన్నమయ్య జిల్లా ఏర్పాటు చేయాలని రాష్ట్ర తెదేపా సాంస్కృతిక విభాగ అధ్యక్షుడు నరసింహ ప్రసాద్​ గత కొంత కాలంగా రైల్వేకోడూరులో ర్యాలీలు, నిరసనలు చేస్తున్నారు. 'రైల్వేకోడూరు నియోజకవర్గాన్ని రాజంపేట కేంద్రంగా అన్నమయ్య జిల్లాలో ఉంచండి... లేదంటే తిరుపతి కేంద్రంగా బాలాజీ జిల్లాలో కలపండి' అని కడప జిల్లా చిట్వేల్​ మండలం నాగవరంలోని తన నివాసంలో ఆమరణ నిరాహార దీక్షకు పూనుకున్నారు. పోలీసులు ఇంటిని చుట్టుముట్టి నరసింహ ప్రసాద్ అదుపులోకి తీసుకున్నారు.

TDP leader Narasimha Prasad: అన్నమయ్య నడయాడిన రాజంపేట, రైల్వే కోడూరు కాకుండా రాయచోటి కేంద్రంగా జిల్లా నిర్ణయించడం మంచిది కాదని నరసింహ ప్రసాద్​ అన్నారు. ఎవరికీ ఎలాంటి ఇబ్బందులు కలగకుండా తన స్వగృహంలో ఆమరణ నిరాహార దీక్ష చేస్తుంటే పోలీసులు అడ్డుకోవడం సరికాదని మండిపడ్డారు. పోలీసులను అడ్డుపెట్టుకుని ప్రజల అభీష్టానికి వ్యతిరేకంగా అన్నమయ్య జిల్లా కేంద్రాన్ని రాయచోటిగా ప్రకటిస్తే... పెద్ద ఎత్తున నిరసన కార్యక్రమాలు చేస్తామన్నారు. ఈ కార్యక్రమంలో తెదేపా, జనసేన నాయకులు పాల్గొన్నారు.

ఇదీ చదవండి: