రమ్య కుటుంబాన్ని పరామర్శించడానికి గుంటూరు వచ్చిన తెదేపా నేత నారా లోకేశ్.. తనను ఏక వచనంతో సంబోధిస్తూ.. కులం పేరుతో దూషించారని వేమూరు ఎమ్మెల్యే మేరుగ నాగార్జున అన్నారు. దీనికి సంబంధించి లోకేశ్పై ఎస్సీ ఎస్టీ కేసు నమోదు చేయాలని గుంటూరు తూర్పు డీఎస్పీకి ఫిర్యాదు చేశారు. కుమార్తె మృతితో కుటుంబ సభ్యులు బాధలో ఉంటే తెదేపా నాయకులు శవ రాజకీయాలకి పాల్పడ్డారని వ్యాఖ్యానించారు.
నారా లోకేశ్ వచ్చేవరకు రమ్య మృతదేహాన్ని తరలించడానికి వీలులేదంటూ.. తెదేపా నాయకులు తమను అడ్డుకున్నారని నాగార్జున తెలిపారు. మేము శాంతియుతంగా ఉన్నప్పటికీ.. లోకేశ్ రాగానే తనపట్ల అసభ్యకరంగా మాట్లాడుతూ.. దూషించారని పేర్కొన్నారు. దళిత ఎమ్మెల్యే అయిన తనపై ఆయన చేసిన వ్యాఖ్యలు అభ్యంతరకరంగా ఉన్నాయని అన్నారు. తక్షణమే నారా లోకేశ్పై ఎస్సీ ఎస్టీ అట్రాసిటీ కేసు నమోదు చేసి అరెస్ట్ చేయాలని డిమాండ్ చేశారు. ఈ మేరకు స్థానిక వైకాపా నేతలతో కలసి వెళ్లి గుంటూరు తూర్పు డీఎస్పీకి ఫిర్యాదు చేసినట్లు ఎమ్మెల్యే వెల్లడించారు.
ఇదీ చదవండి...
Lokesh Kurnool Tour: చెల్లికి న్యాయం చేయలేని వ్యక్తి ఇతరులకేం చేస్తారు: లోకేశ్
