Fire accident in sweet shop: గుంటూరు జిల్లా మంగళగిరి పాత బస్టాండ్ సమీపంలోని ఓ మిఠాయి దుకాణంలో భారీ అగ్నిప్రమాదం సంభవించింది. విద్యుదాఘాతం కారణంగా జరిగిన ప్రమాదంలో మూడంతస్తుల భవనంలోపలి భాగం పూర్తిగా మంటలకు ఆహుతైంది. భవనంలోని మొదటి రెండు అంతస్తులో మిఠాయిలు తయారు చేస్తుండగా... మూడో అంతస్తులో దుకాణ యజమాని కుటుంబసభ్యులు నివాసముంటున్నారు. అయితే మంటలు మూడు అంతస్తులకు వ్యాపించడంతో కుటుంబసభ్యులు భవనంపైకి వెళ్లి ప్రాణాలు కాపాడుకున్నారు.
తీవ్రంగా శ్రమించిన అగ్నిమాపక సిబ్బంది
సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకున్నారు. మంటలను అదుపులోకి తీసుకొచ్చేందుకు తీవ్రంగా శ్రమించారు. లోపలికి, బయటకు వచ్చేందుకు ఒకే మార్గం ఉండటంతో అగ్నిమాపక సిబ్బంది భవనంలోపలికి వెళ్లేందుకు తీవ్ర ఇబ్బందులు పడ్డారు. గంటపాటు శ్రమించి మంటలు అదుపులోకి తెచ్చారు. షార్ట్‌సర్క్యూట్‌ కారణంగా ఈ ప్రమాదం జరిగిందని స్థానికులు అంటున్నారు.
ఇదీ చదవండి :
రవాణాశాఖ వెబ్సైట్లో సాంకేతిక సమస్య...నిలిచిన వాహనాల రిజిస్ట్రేషన్లు
