AP TOP NEWS: ప్రధాన వార్తలు @ 9PM

.

• CM Jagan Review On PRC: పీఆర్సీపై సీఎం జగన్ సమీక్ష.. రేపు ఉద్యోగ సంఘాలతో భేటీ!
  ఉద్యోగులకు వేతన సవరణపై ముఖ్యమంత్రి జగన్ సమీక్షించారు. ఈ భేటీకి సీఎస్, ఆర్థిక మంత్రి బుగ్గన, ప్రభుత్వ సలహాదారు సజ్జల హాజరయ్యారు. పీఆర్‌సీ, ఉద్యోగుల ఇతర డిమాండ్ల పరిష్కారంపై చర్చించారు. ఉద్యోగులకు ఎంతశాతం ఫిట్‌మెంట్ ఇవ్వాలనే దానిపై సమాలోచనలు జరిపారు.
  
• వైకాపా వైరస్.. తెలుగుదేశమే వ్యాక్సిన్ : చంద్రబాబు
  మూడేళ్లల్లో జగన్ ప్రభుత్వం మూడు ఇళ్లు కూడా కట్టలేదని తెదేపా అధినేత చంద్రబాబు మండిపడ్డారు. ఆస్పత్రుల్లో మందులు కూడా కరువయ్యాయని ఎద్దేవా చేశారు. రూ. వేయి దాటితే ఉచితంగా వైద్యం అన్న జగన్.. అది అమలు చేయలేదని అన్నారు.
  
• RGV vs Perni Nani: "మంత్రిగారూ.. టైమ్ ఇస్తే కలుస్తా" తప్పకుండా.. త్వరలోనే కలుద్దాం!
  మంత్రి పేర్ని నాని కలిసేందుకు దర్శకుడు రామ్ గోపాల్​ వర్మ అనుమతి కోరారు. కలిసి తమ సమస్యలను వివరిస్తానని ట్వీట్ చేశారు. ఇందుకు స్పందించిన మంత్రి పేర్ని నాని.. తప్పకుండా త్వరలోనే కలుద్దామంటూ బదులిచ్చారు.
  
• FISHERMEN PROTEST: రగులుతున్న రింగువలల వివాదం.. రోడ్డెక్కిన మత్స్యకారులు
  విశాఖ జిల్లాలోని పెద్దజాలరిపేట మత్స్యకారులు.. నిన్న చెలరేగిన రింగువలల వివాదంపై ఆందోళనకు దిగారు. పెద్దజాలరిపేట కూడలి వద్ద నిరసన చేపట్టారు.
  
• మోదీ ర్యాలీ రద్దుపై మాటల యుద్ధం.. 'ఫ్లాప్​ షో అని తెలిసే ఇలా..'
  పంజాబ్‌లో ప్రధాని నరేంద్ర మోదీ ర్యాలీ రద్దు.. ప్రధాన పార్టీల మధ్య రాజకీయ యుద్ధానికి దారితీసింది. వచ్చే ఎన్నికల్లో ఓటమి భయంతో కాంగ్రెస్‌ సర్కారు కేంద్ర ప్రభుత్వం అమలు చేస్తున్న కార్యక్రమాలను అడ్డుకునేందుకు ప్రయత్నిస్తోందని భాజపా ఆరోపించింది.
  
• ఐదు రాష్ట్రాల్లో ఎన్నికల ప్రచారంపై కాంగ్రెస్ కీలక నిర్ణయం
  దేశంలో కరోనా ఉద్ధృతి పెరుగుతున్న నేపథ్యంలో.. ఉత్తర్​ప్రదేశ్​ సహా ఐదు రాష్ట్రాల్లో ఎన్నికల ప్రచారంపై కాంగ్రెస్ పార్టీ కీలక నిర్ణయం తీసుకుంది. ఆయా రాష్ట్రాల్లో ఇకపై ఎలాంటి పెద్ద ర్యాలీలు నిర్వహించకూడదని నిర్ణయించింది.
  
• చైనాలో జనాభా సంక్షోభం- భారీగా తగ్గిన జననాలు
  చైనాను జనాభా సంక్షోభం వెంటాడుతోంది. 2020 జనాభా లెక్కల ప్రకారం సుమారు 10 ప్రావిన్స్​ల్లో జననాల రేటు ఒక్కశాతం కంటే తక్కువగా నమోదు అయ్యింది. జననాల రేటును పెంచేందుకు ముగ్గురు పిల్లలకు జన్మనిచ్చేందుకు చట్టసవరణలు చేసినా ఫలితం లేకుండా పోయింది.
  
• 'షావోమి' భారీ మోసం.. రూ.653 కోట్ల కస్టమ్స్​ సుంకం ఎగవేత
  షావోమి సంస్థ భారత విభాగం రూ.653 కోట్ల కస్టమ్స్​ సుంకం ఎగవేతకు పాల్పడింది. ఆ సంస్థకు చెందిన ప్రాంగణాల్లో జరిపిన సోదాల్లో డైరెక్టర్ ఆఫ్ రెవెన్యూ ఇంటెలిజెన్స్ అధికారులు.. ఇందుకు సంబంధించిన కీలక పత్రాలను స్వాధీనం చేసుకున్నారు.
  
• 'కొంచెం బాధ్యతగా ఆడాలి'.. పంత్​కు గావస్కర్ చురకలు
  దక్షిణాఫ్రికాతో జరుగుతున్న రెండో టెస్టు రెండో ఇన్నింగ్స్​లో అనవసర షాట్​కు ప్రయత్నించి డకౌట్​గా వెనుదిరిగాడు టీమ్ఇండియా బ్యాటర్ రిషభ్ పంత్. ఇతడు ఔటైన తీరును అందరూ తప్పుబట్టారు.
  
• 'బంగార్రాజు' రిలీజ్ డేట్.. 'అతిథి దేవోభవ' ట్రైలర్
  టాలీవుడ్ సినిమా అప్​డేట్స్​ వచ్చేశాయి. ఇందులో 'బంగార్రాజు', 'అతిథి దేవోభవ', 'శేఖర్', 'డీజే టిల్లు' చిత్రాలకు సంబంధించిన విశేషాలున్నాయి.