Bank Holidays In January 2025 : రిజర్వ్ బ్యాంక్ ఆఫ్ ఇండియా (ఆర్బీఐ) 2025 జనవరి నెలకు సంబంధించిన బ్యాంక్ సెలవుల జాబితాను విడుదల చేసింది. దీని ప్రకారం, దేశంలోని వివిధ బ్యాంకులకు ఏకంగా 13 రోజుల పాటు సెలవులు ఉన్నాయి. వీటిలో కొన్ని జాతీయ సెలవులు, మరికొన్ని ప్రాంతీయ సెలవులు ఉన్నాయి. అందువల్ల కస్టమర్లు ఈ సెలవులను దృష్టిలో ఉంచుకుని, తమ అవసరాలకు అనుగుణంగా బ్యాంకింగ్ కార్యకలాపాలను ప్లాన్ చేసుకోవడం మంచిది.
List Of Bank Holidays In January 2025
2025 జనవరి నెలలో బ్యాంక్ సెలవుల జాబితా ఇదే!
జనవరి 1 (బుధవారం) : న్యూ ఇయర్‌ సందర్భంగా వివిధ రాష్ట్రాల్లోని బ్యాంకులకు సెలవు.
జనవరి 2 (గురువారం) : కొత్త సంవత్సరం సందర్భంగా మిజోరంలో; మన్నం జయంతి సందర్భంగా కేరళలోని బ్యాంకులకు సెలవు.
జనవరి 6 (సోమవారం) : గురు గోవింద్‌ సింగ్‌ జయంతి సందర్భంగా హరియాణా, పంజాబ్‌ల్లోని బ్యాంక్లకు సెలవు.
జనవరి 11 (శనివారం) : మిషనరీ డే సందర్భంగా మిజోరంలో; గురు గోవింద్‌ సింగ్‌ జయంతి సందర్భంగా రాజస్థాన్‌లోని బ్యాంకులకు సెలవు.
జనవరి 12 (ఆదివారం) : ఆదివారం బ్యాంకులు సెలవు. అయితే ఆ రోజు స్వామీ వివేకనంద జయంతి, గాన్-నగై (మణిపుర్‌) కూడా ఉన్నాయి.
జనవరి 14 (మంగళవారం) : మకర సంక్రాంతి సందర్భంగా ఆంధ్రప్రదేశ్, తెలంగాణ సహా పలు రాష్ట్రాల్లోని బ్యాంకులకు సెలవు; పొంగల్ సందర్భంగా తమిళనాడులోని బ్యాంకులకు హాలీడే ఉంటుంది.
జనవరి 15 (బుధవారం) : మకర సంక్రాంతి సందర్భంగా ఆంధ్రప్రదేశ్, తెలంగాణలో; మాఘ్‌ బిహు సందర్భంగా అసోంలో, తిరువళ్లువార్ డే సందర్భంగా తమిళనాడులోని బ్యాంకులకు సెలవు.
జనవరి 16 (గురువారం) : కనుమ సందర్భంగా ఆంధ్రప్రదేశ్‌లో; ఉజ్ఙవర్‌ తిరునాళ్ సందర్భంగా తమిళనాడులోని బ్యాంకులకు సెలవు.
జనవరి 22 (బుధవారం) : ఇమోఇను ఇరత్ప సందర్భంగా మణిపుర్‌లోని బ్యాంకులకు సెలవు.
జనవరి 23 (గురువారం) : గాన్-నగై సందర్భంగా మణిపుర్‌లో; నేతాజీ సుభాష్‌ చంద్రబోస్‌ జయంతి సందర్భంగా త్రిపుర, ఒడిశా, పంజాబ్‌, సిక్కిం, బంగాల్‌, జమ్ముకశ్మీర్‌, దిల్లీల్లోని బ్యాంకులకు సెలవు.
జనవరి 25 (శనివారం) : స్టేట్ డే సందర్భంగా హిమాచల్‌ప్రదేశ్‌లోని బ్యాంకులకు సెలవు.
జనవరి 26 (ఆదివారం) : రిపబ్లిక్ డే సందర్భంగా బ్యాంకులకు సెలవు.
జనవరి 30 (గురువారం) : సోనమ్‌ లోసార్ సందర్భంగా సిక్కింలోని బ్యాంకులకు సెలవు.
సెలవు దినాల్లో ఆర్థిక లావాదేవీలు జరపడం ఎలా?
How To Make Transactions In Bank Holidays : 2025 జనవరి నెలలో 13 రోజులపాటు బ్యాంకులకు సెలవులు ఉన్నప్పటికీ, ఇంటర్నెట్ బ్యాంకింగ్, మొబైల్ బ్యాంకింగ్ సేవలు మాత్రం యథావిధిగా కొనసాగుతాయి. అలాగే యూపీఐ, ఏటీఎం సేవలు కూడా ఎప్పటిలానే నడుస్తాయి. కనుక బ్యాంక్లకు వెళ్లకుండానే సులువుగా మీ ఆర్థిక లావాదేవీలను చక్కబెట్టుకోవచ్చు.
