'ఏలూరులో వింత వ్యాధి క్రమేణా తగ్గుముఖం పడుతోంది'

ఏలూరులో వింత మూర్ఛ వ్యాధి క్రమేణా తగ్గుముఖం పడుతోందని... ప్రభుత్వాసుపత్రి మెడికల్ సూపరిండెంట్ ఎవీఆర్ మోహన్ వివరించారు. ఈ వింత వ్యాధికి సంబంధించి రోగుల సంఖ్య క్రమేణా తగ్గుతున్నప్పటికీ.. చికిత్స అందించేందుకు ప్రభుత్వ ఆస్పత్రి సిద్ధంగా ఉందని వెల్లడించారు.

ఏలూరులో వింత మూర్ఛ వ్యాధి క్రమేణా తగ్గుముఖం పడుతోందని ప్రభుత్వాసుపత్రి మెడికల్ సూపరిండెంట్ ఎవీఆర్ మోహన్ స్పష్టం చేశారు. ప్రస్తుతం ఆస్పత్రిలో 77 మంది మాత్రమే చికిత్స పొందుతున్నట్టు ఆయన వెల్లడించారు. ఇప్పటికీ ఈ రోగానికి కారణం ఏమిటన్నది తెలియరాలేదని చెప్పారు. ప్రస్తుతం ఈ ప్రాంతంలో పంటలపై పిచికారి చేస్తున్న పురుగుమందులు, కూరగాయలు, పళ్లు తాజాగా ఉంచడానికి వినియోగిస్తున్న రసాయనాలపై దృష్టి పెట్టామని.. వీటి వివరాలను ఇండియన్ ఇనిస్టిట్యూట్ ఆఫ్ కెమికల్ టెక్నాలజీకి పంపించినట్టు ఆయన తెలిపారు. ఈ వింత వ్యాధికి సంబంధించి రోగుల సంఖ్య క్రమేణా తగ్గుతున్నప్పటికీ.. చికిత్స అందించేందుకు ప్రభుత్వ ఆస్పత్రి సిద్ధంగా ఉందని వెల్లడించారు. తిరుపతి స్విమ్స్ నుంచి న్యూరాలజిస్టులను పిలిపించినట్టు వెల్లడించారు.

ఇదీ చదవండీ... ఏలూరు ఘటన: నమూనాల్లో భార లోహాల అవశేషాలు..!