రాష్ట్రంలో పలువురు ఐపీఎస్ అధికారులను బదిలీ చేస్తూ..... ప్రభుత్వం ఉత్తర్వులు జారీ చేసింది. మనీష్ కుమార్ సిన్హాను ఇంటెలిజెన్స్ చీఫ్‌గా నియమించింది. తెలంగాణా కేడర్‌కు చెందిన స్టీఫెన్ రవీంద్ర వ్యవహారంపై కేంద్రం నిర్ణయం తీసుకోని పరిస్థితుల్లో.. హోంశాఖ ఆదేశాలతో ప్రభుత్వం ఈ నిర్ణయం తీసుకుంది. ప్రస్తుతం ఇంటెలిజెన్స్ చీఫ్‌గా ఉన్న కుమార్ విశ్వజిత్‌.. అనిశా డీజీగా కొనసాగనున్నారు. కమిషనర్ ఆఫ్ ఎంక్వైరీస్ సభ్యుడిగా..... టి.ఎ.త్రిపాఠీని నియమిస్తూ ఆదేశాలు వెలువడ్డాయి. జైళ్ల శాఖ డీజీగా ఎహసాన్ రెజాను నియమించారు. నెల్లూరు ఎస్పీగా భాస్కర్ భూషణ్‌ను నియమించిన ప్రభుత్వం... ప్రస్తుత ఎస్పీ ఐశ్వర్య రస్తోగిని మంగళగిరిలోని పోలీసు ప్రధాన కార్యాలయంలో పాలనా వ్యవహారాల ఏఐజీగా బదిలీ చేశారు.
ఇదీ చదవండి
