న్యాయస్థానం పరిధిలో గ్రూప్-1పై ఫిర్యాదులు పెండింగ్లో ఉండగా.. హడావుడిగా ఏపీపీఎస్సీ ఇంటర్వ్యూ ప్రక్రియ ఎందుకు చేపడుతోందని తెలుగు యువత రాష్ట్ర అధ్యక్షుడు శ్రీరాం చినబాబు మండిపడ్డారు. కరోనా తీవ్రతలో అభ్యర్థుల ఫిర్యాదులను పరిగణనలోకి తీసుకోకుండా ఈ విధంగా వ్యవహరించటం తగదని శ్రీరాం చినబాబు ఆగ్రహం వ్యక్తం చేశారు. డిజిటల్ మూల్యాంకనం ద్వారా చేపట్టిన అభ్యర్థుల ఎంపికలో అనేక అక్రమాలు జరిగాయని ఆయన ఆరోపించారు. అభ్యర్థులకు న్యాయం చేయకుంటే ఈ నెల 17న వివిధ విద్యార్థి, యవజన సంఘాలను కలుపుకుని ఏపీపీఎస్సీ కార్యాలయాన్ని ముట్టడిస్తామని హెచ్చరించారు.
ఇదీ చదవండి:
