ఏప్రిల్‌ ప్రారంభంలోనే వేసవి ఠారెత్తిస్తోంది. విజయవాడతో సహా రాష్ట్రంలోని 7 జిల్లాల్లో శుక్రవారం తీవ్ర వడగాలులు నమోదయ్యాయి. మరో 180 మండలాల్లో వడగాలులు వీచాయని వాతావరణ శాఖ పేర్కొంది. తూర్పుగోదావరి జిల్లాలోని 4 మండలాలు, పశ్చిమగోదావరి 15, కృష్ణా 9, గుంటూరు 11, ప్రకాశం 8, నెల్లూరు 3, చిత్తూరు 2 మండలాల్లో.. మొత్తంగా 52 మండలాల్లో వడగాలులు ఎక్కువగా ఉన్నాయని తెలిపింది. ఈ జిల్లాల్లో సాధారణం కన్నా దాదాపు 7 డిగ్రీలు అధికంగా ఉష్ణోగ్రత నమోదైనట్టు వెల్లడించింది.
అనంతపురం మినహా 12 జిల్లాల్లోని 180 మండలాల్లో వడగాలులు వీచాయి. ఇక్కడ సాధారణంకన్నా 5, 6 డిగ్రీలు ఎక్కువగా ఉష్ణోగ్రతలు నమోదయ్యాయి. రాబోయే 2 రోజుల్లో వడగాలుల ఉద్ధృతి తగ్గనుందన్న సూచనలున్నాయి. శనివారం రాష్ట్రంలోని కృష్ణా, గుంటూరు జిల్లాల్లోని 19 మండలాల్లో మాత్రమే వడగాలుల తీవ్రత ఎక్కువగా ఉంటుంది. - వాతావరణ శాఖ
ఇదీ చదవండి:
