పాడేరు ఐటీడీఏకు 2కిలోమీటర్ల దూరంలో ఉన్న బరిసింగి ప్రభుత్వ పాఠశాలలో చదువుకునేందుకు విద్యార్థులు అనేక ఇబ్బందులు పడుతున్నారు. మొత్తం 22 మంది విద్యార్థులు ఉన్న ఈ పాఠశాలకు సరైన భవనం లేక ఆరుబయట వరండాలోనే చదువుకుంటున్నారు. నాలుగు, ఐదు తరగతి విద్యార్థులైతే వంటశాలలోనే విద్యనభ్యసించ వలసిన పరిస్థితి ఏర్పడింది. బడికి పంపాలంటేనే భయంగా ఉందని విద్యార్థుల తల్లిదండ్రులు చెబుతున్నారు.
వర్షం వస్తే..
వర్షాలకి పాఠశాల మొత్తం కారుతుండటంతో.. వరండాలోను, వంటగదిలోనూ బోధిస్తున్నట్లు పాఠశాల ఉపాధ్యాయురాలు చెబుతున్నారు. నూతన భవనం నిర్మించమని పలుమార్లు అధికారులకు విన్నవించుకున్నట్లు కూడా తెలిపారు.
ఇదీ చదవండి:
