How to Make Pesara Punugulu : ఈవెనింగ్ టైమ్లో వేడివేడి చిట్టి పునుగులు చాలా మంది ఇష్టంగా తింటారు. పునుగులు అల్లం పచ్చడితో ఎంతో రుచిగా ఉంటాయి. అయితే, నార్మల్గా మైదా పిండితో పునుగులు చేయడం కామన్. ఎప్పుడూ అలానే కాకుండా ఓసారి ఇలా కొత్తగా పెసర పునుగులు ట్రై చేయండి. ఇక్కడ చెప్పిన విధంగా పెసర పునుగులు చేస్తే క్రిస్పీగా టేస్ట్ సూపర్గా వస్తాయి. అలాగే ఈ పునుగులకు పర్ఫెక్ట్ కాంబినేషన్ అయిన అల్లం పచ్చడి తయారీ విధానం కూడా చూద్దాం.
పెసర పునుగులు చేయడానికి కావాల్సిన పదార్థాలు :
- పొట్టు పెసరపప్పు - కప్పు
- పచ్చిమిర్చి - 4
- అల్లం ముక్కలు - 2
- జీలకర్ర - టీస్పూన్
- రుచికి సరిపడా - ఉప్పు
- కరివేపాకు తరుగు - 2 టేబుల్స్పూన్లు
- వంటసోడా - చిటికెడు
తయారీ విధానం :
- ముందుగా పొట్టు పెసరపప్పుని శుభ్రంగా కడిగి ఓ 5 గంటలు నానబెట్టుకోండి.
- నానెబెట్టిన పెసరపప్పుని వడకట్టి ఒక మిక్సీ గిన్నెలోకి తీసుకోండి. ఇందులో పచ్చిమిర్చి, అల్లం ముక్కలు, జీలకర్ర, రుచికి సరిపడా ఉప్పు వేసి మెత్తగా గ్రైండ్ చేసుకోండి.
- గ్రైండ్ చేసుకున్న మిశ్రమాన్ని ఒక మిక్సింగ్ బౌల్లోకి తీసుకోండి. ఇందులో సన్నగా తరిగిన కరివేపాకు తరుగు, వంటసోడా వేసి 5 నిమిషాల పాటు బాగా కలపండి.
- ఇప్పుడు స్టవ్పై ముకుడు పెట్టి నూనె వేసి వేడి చేయండి. పెసరపిండి కొద్దిగా చేతిలోకి తీసుకుని వేడివేడి నూనెలో పునుగులు వేసుకోండి.
- స్టవ్ మీడియం ఫ్లేమ్లో ఉంచి వీటిని రెండు వైపులా కాల్చుకుని ప్లేట్లోకి తీసుకోండి. అంతే ఇలా సింపుల్గా చేసుకుంటే క్రిస్పీ అండ్ టేస్టీ పెసరపప్పు పునుగులు రెడీ.
- ఈ పునుగులు అల్లం పచ్చడితో ఎంతో రుచిగా ఉంటాయి. అల్లం పచ్చడి తయారీ విధానం ఇప్పుడు చూద్దాం.
అల్లం పచ్చడి కోసం కావాల్సిన పదార్థాలు :
- అల్లం ముక్కలు - 50 గ్రాములు
- పచ్చి శనగపప్పు - 2 టేబుల్స్పూన్లు
- మీడియం కారం గల పచ్చిమర్చి - పావుకేజీ
- బెల్లం - 70 గ్రాములు
- చింతపండు - 50 గ్రాములు (నీటిలో నానబెట్టుకోవాలి)
- రుచికి సరిపడా - ఉప్పు
తాలింపు కోసం :
- ఆవాలు - అర టీస్పూన్
- జీలకర్ర - అర టీస్పూన్
- ఎండుమిర్చి - 2
- మినప్పప్పు - టీస్పూన్
- కరివేపాకు - 2 రెమ్మలు
అల్లం పచ్చడి తయారీ విధానం :
- ముందుగా స్టవ్పై పాన్ పెట్టి కొద్దిగా ఆయిల్ వేసి వేడి చేయండి. ఆపై పచ్చి శనగపప్పు వేసి వేపండి. తర్వాత మీడియం కారం గల పచ్చిమిర్చి, ఉప్పు వేసి మిర్చిపైన మచ్చలు ఏర్పడే వరకు వేపండి.
- ఇలా మారిన పచ్చిమిర్చిని ఒక ప్లేట్లోకి తీసుకుని చల్లార్చండి.
- తర్వాత ఒక మిక్సీ జార్లోకి వేయించిన పచ్చిమిర్చి మిశ్రమం, బెల్లం, నీటిలో నానబెట్టిన చింతపండు, ఉప్పు వేసుకుని మెత్తగా గ్రైండ్ చేసుకోండి.
- ఇప్పుడు స్టవ్పై పాన్ పెట్టి కొద్దిగా ఆయిల్ వేసి వేడి చేయండి. వేడివేడి నూనెలో ఆవాలు, జీలకర్ర, మినప్పప్పు, ఎండుమిర్చి ముక్కలు, కరివేపాకు వేసి వేపండి.
- వేగిన తాలింపులో అల్లం పచ్చడి వేసి బాగా కలపండి.
- అంతే ఇలా సింపుల్గా చేసుకుంటే నోరూరించే అల్లం పచ్చడి రెడీ!
- ఈ రెసిపీలు నచ్చితే మీరు ఇంట్లో ఓసారి ట్రై చేయండి!
ఉడకబెట్టే పనిలేకుండా కమ్మటి "టమాట పచ్చడి" - వేడివేడి అన్నంలోకి అమృతమే!
ఇడ్లీ పాత్రలో "వడలు" - చుక్క నూనె అవసరం లేదు - టేస్ట్ అదుర్స్!
