పోలవరాన్ని కేంద్రం జాతీయ ప్రాజెక్టుగా ప్రకటించినప్పటికీ నాబార్డు నుంచి చాలినంత రుణం అందడం లేదు. కేంద్ర బడ్జెట్‌లోనూ కేటాయింపులు చూపడం లేదు. తాజాగానూ నిరాశే ఎదురైంది. 2014లో జాతీయ ప్రాజెక్టుగా ప్రకటించాక కేంద్రం ఇంతవరకు రూ.10,741 కోట్లు మాత్రమే ఇచ్చింది. 2017-18 ధరల ప్రకారం ఈ ప్రాజెక్టుకు రూ.55,656.87 కోట్లు ఖర్చవుతుందని కేంద్ర జలసంఘం తేల్చింది. మరోవైపు ఏడాదికి 2వేల కోట్లకు మించి కేంద్రం నిధులివ్వడం లేదు. దీనివల్ల నిర్మాణం ఎప్పటికి పూర్తవుతుందనే ప్రశ్న వినిపిస్తోంది.
* 2017-18 ధరల ప్రకారం నీటిపారుదల విభాగానికి రావాల్సిన నిధులు: 51,005.96 కోట్లు
* జాతీయ ప్రాజెక్టుగా ప్రకటించకముందు ఖర్చు: 4,730.71 కోట్లు
* రావాల్సిన నిధులు: 46,365.25 కోట్లు
* జాతీయ ప్రాజెక్టుగా ప్రకటించాక కేంద్రం ఇచ్చిన నిధులు: 10,741.46 కోట్లు
* ఇంకా అవసరమైన నిధులు: 35623.79 కోట్లు
* రాష్ట్రం ఖర్చు చేసి ఇంకా కేంద్రం నుంచి రావాల్సినవి: 1,652.02 కోట్లు
* 2019-20 ఆర్థిక సంవత్సరంలో కేంద్రం ఇచ్చింది: 1,850 కోట్లు
* 2020-21 ఆర్థిక సంవత్సరంలో కేంద్రం ఇచ్చింది: 2234.22 కోట్లు
పోలవరానికి మూడేళ్లలో రూ.5,484 కోట్లు
పోలవరం ప్రాజెక్టుకు మూడేళ్లలో రూ.5,484.29 కోట్లు ఇచ్చినట్లు కేంద్రం తెలిపింది. 2018-19లో రూ.1,400 కోట్లు, 2019-20లో రూ.1,850 కోట్లు, 2020-21లో రూ.2,234.29 కోట్లు విడుదల చేసినట్లు పేర్కొంది.
ఇదీ చదవండి: కుదేలైన దేశానికి ఆర్థిక టీకా- ఏ రంగానికి ఎంత?
