డబ్బు కోసం ప్రజలను పీల్చుకుతినే గత అలవాటు జగన్కి అధికారంలోకి వచ్చాక కూడా పోలేదని తెదేపా జాతీయ ప్రధాన కార్యదర్శి నారా లోకేశ్ ధ్వజమెత్తారు. అందుకే ప్రజలు లాక్ డౌన్ కష్టాల్లో ఉన్నా కూడా గుట్టుగా కరెంటు చార్జీలు పెంచి డబ్బు గుంజుతున్నారని మండిపడ్డారు.
పాలన అంటే ప్రజలను కష్టాల నుండి గట్టెక్కించడానికి, తప్ప కష్టాల్లోకి నెట్టడానికి కాదన్నది జగన్ గ్రహించాలని హితవు పలికారు. పార్టీ రంగులేయడానికి చేసిన వృథా ఖర్చుకన్నా 3 నెలల విద్యుత్ బిల్లులు రద్దుచేస్తే వచ్చే నష్టం ఏమీలేదని స్పష్టం చేశారు. విద్యుత్ బిల్లుల రద్దు చేసి ప్రజలను ఆదుకోవాలన్న లోకేశ్... కరెంటు చార్జీల పెంపునకు నిరసనగా తెలుగుదేశం పార్టీ నాయకులు ఈరోజు చేస్తున్న నిరసనలకు ప్రజలు మద్దతు తెలపాలని కోరారు.
ఇదీ చదవండి:
