TS News: పంట దక్కాలంటే.. ట్యాంకరే దిక్కు

farmers protecting crops with tankers : ఆరుగాలం పండించిన పంటలను కాపాడుకోవడానికి అన్నదాతలు నానా అవస్థలు పడుతున్నారు. ట్యాంకర్ల ద్వారా నీటిని సరఫరా చేస్తూ పంటలను రక్షించుకుంటున్నారు. ప్రాజెక్టు ద్వారా నీరు అందించే పైపులైన్​ మరమ్మతుల పేరుతో అధికారులు కాలయాపన చేయడంతో ఈ పరిస్థితి నెలకొందని వాపోతున్నారు. తెలంగాణలోని కరీంనగర్​ జిల్లా చొప్పదండిలో రైతులు పడుతున్న కష్టాలు ఇవి..!

farmers protecting crops with tankers: తెలంగాణలోని కరీంనగర్ జిల్లా చొప్పదండి నియోజకవర్గంలో సాగునీటి సరఫరా లేక రైతులు ట్యాంకర్లతో పంటలను కాపాడుకుంటున్నారు. గంగాధర, కొడిమ్యాల మండలాల్లో సుమారు మూడు వేల ఎకరాలకు ఎల్లంపల్లి ప్రాజెక్టు పైపులైను ద్వారా ప్రతి ఏటా సాగునీరు అందజేస్తున్నారు.

ఈసారి కటికెనపల్లి వద్ద మరమ్మతుల పనులు సాగడంతో సాగునీటి కొరత ఏర్పడింది. పర్యవసానంగా వేల ఎకరాల్లో వరి పంట ఎండిపోయే దశకు చేరుకుంది. దీంతో రైతులు తమ పంటలు కాపాడుకోవడానికి ట్యాంకర్ల ద్వారా పంటలకు సాగునీరు సరఫరా చేస్తున్నారు. మరికొందరు నారాయణపూర్ చెరువులోని నీటిని కాలువలు తవ్వి తరలిస్తున్నారు. యాసంగి పంటలను రక్షించుకునేందుకు ఇలా కష్టాలు పడుతున్నామని రైతులు వాపోయారు.

ఇదీ చదవండి: Suspension: యువకుడి ఆత్మహత్య కేసు.. సీఐపై సస్పెన్షన్ వేటు !