అమరావతిలో కొనసాగుతోన్నఆందోళనలు
మూడు రాజధానుల ప్రకటనపై అమరావతి రైతుల ఆందోళనలు కొనసాగుతున్నాయి. గుంటూరు జిల్లా మందడంలో ఉదయం నుంచే రోడ్లపై టెంట్లు వేసి నిరసన తెలుపుతున్నారు. ప్రభుత్వం అనవసర కమిటీలతో కాలయాపన చేస్తోందని రైతులు మండిపడ్డారు. 29 గ్రామాల అన్నదాతలు రోడ్లపైకి వచ్చి ఆందోళన చేస్తుంటే మంత్రులు పెయిడ్ ఆర్టిస్టులంటూ అవహేళన చేయడం ఎంతవరకూ సమంజసమని ప్రశ్నించారు. అమాత్యులు టీవీల్లో కాకుండా రాజధాని గ్రామాల్లో డిబేట్లు పెట్టాలని అన్నారు. అవసరమైతే న్యాయపోరాటానికైనా వెనుకాడబోమని రైతులు పేర్కొన్నారు. ప్రభుత్వం తన నిర్ణయాన్ని వెనక్కు తీసుకోకుంటే తమ ఆందోళనను మరింత ఉద్ధృతం చేస్తామన్నారు. మరిన్ని వివరాలు.. మందడం నుంచి మా ప్రతినిధి అందిస్తారు.
ఇదీ చూడండి:
