గడిచిన 24 గంటల్లో రాష్ట్రంలో కొత్తగా 51 మందికి కొవిడ్ సోకినట్లు వైద్య ఆరోగ్య శాఖ తెలిపింది. కొత్త కేసులతో కలుపుకుని రాష్ట్ర వ్యాప్తంగా కొవిడ్ బారినపడ్డ వారి సంఖ్య 8 లక్షల 86 వేల 115 కి చేరిందని వెల్లడించింది. తాజాగా.. కరోనా కారణంగా ఇద్దరు మృతి చెందగా... మహమ్మారి ప్రభావంతో ఇప్పటివరకు 7,165 మంది మృతి చెందినట్లు వివరించింది.
మరోవైపు.. గడిచిన 24 గంటల్లో 57 మంది కొవిడ్ నుంచి కోలుకోగా.. మెుత్తం కోలుకున్నవారి సంఖ్య 8,78,343 లక్షలకు పైగా చేరింది. ఇప్పటివరకు రాష్ట్రంలో కోటి 36 లక్షల 15 వేల 847 కరోనా నిర్ధరణ పరీక్షలు చేసినట్లుగా తాజా బులెటిన్లో వైద్య ఆరోగ్య శాఖ వెల్లడించింది.
