ఏడేళ్ల క్రితం చేపట్టిన 'వస్తున్నా మీకోసం' సుదీర్ఘ పాదయాత్రను తెదేపా అధినేత చంద్రబాబు గుర్తుచేసుకున్నారు. కష్టాల్లో ఉన్న ప్రజలను కలిసి భరోసా ఇవ్వడం కోసం పాదయాత్ర చేశానని చంద్రబాబు అన్నారు. సరిగ్గా ఏడేళ్ల క్రితం ఇదే రోజు విశాఖలో పాదయాత్ర ముగిసిందని చంద్రబాబు ట్వీట్ చేశారు. 7 నెలలు కుటుంబానికి దూరంగా 62 ఏళ్ల వయసులో 2,817 కిలోమీటర్లు నడిచానని తెలిపారు. ప్రజల కష్టాలు తీర్చడానికి ఐదేళ్ల పాలనలో రోజుకు 18గంటలు పనిచేశానన్నారు. పాదయాత్రలో తనకు స్ఫూర్తినిచ్చిన కార్యకర్తలు, నేతలు, ప్రజలకు చంద్రబాబు ధన్యవాదాలు చెప్పారు.
ఇదీ చదవండి : రాష్ట్రంలో కొత్తగా 82 కరోనా కేసులు
