పల్టీ కొట్టిన పైసల బండి.. ప్రస్తుత ఆర్థిక సంవత్సరంలో.... 2019 డిసెంబర్‌ నెలాఖరు వరకు ఆర్థిక లెక్కలు దాదాపు ఖరారయ్యాయి. పన్నులు , కేంద్ర పన్నుల్లో వాటాలు, ఇతరత్రా సెస్‌లు లాంటి ఆదాయాలు కలిపి లెక్కించే రెవెన్యూ వసూళ్ల కింద.... 9 నెలల్లో సాధించింది కేవలం రూ.72 వేల 322 కోట్లు. డిసెంబర్‌ నెలాఖరుకు లక్షా 78 వేల కోట్ల ఆదాయం సాధిస్తామని ఆర్థిక శాఖ అంచనా వేస్తే... అందులో సగం కూడా రాలేదు. రుణాల రికవరీ, అప్పులు లాంటివి కూడా కలిపితే మొత్తం ఆదాయం లక్షా 12 వేల కోట్ల వరకూ ఉంది. అది కూడా అంచనాల్లో 52 శాతం మాత్రమే కావడం ఆందోళన కలిగిస్తోంది. మిగిలిన 3 నెలల్లో ఇక సాధించేది ఏమిటి? గట్టెక్కేదెలా అన్నది చర్చనాయంశంగా మారింది.
రెవెన్యూ ఆదాయం (రూ.కోట్లలో) సంక్షేమానికే అధిక ప్రాధాన్యం
జీతాలు, పింఛన్లు, అసలు, వడ్డీ చెల్లింపులు వంటి ప్రధాన ఖర్చులన్నీ పోను.... ప్రభుత్వాలు సంక్షేమ పథకాలకే అధిక ప్రాధాన్యం ఇస్తున్నాయి. దీర్ఘకాల ప్రయోజనాలు కల్పించే మూలధన వ్యయానికి ఎంత కేటాయించగలుగుతున్నామనేది కూడా ప్రధానాంశమే. సాధారణంగా ఏ ప్రభుత్వమైనా దీనిపై పెద్దగా దృష్టి పెట్టడం లేదు. సంక్షేమంపై చేసే ఖర్చు కూడా మూలధన వ్యయం లాంటిదే అన్న కొత్త వాదనను ఇటీవల తెరపైకి తీసుకువస్తున్నారు. బడ్జెట్‌ అంచనాల ప్రకారం ప్రస్తుత ఆర్థిక సంవత్సరంలో మూలధన వ్యయం కింద రూ. 32 వేల 293 కోట్లు ఖర్చు చేయాలి. కానీ 9నెలల్లో కేవలం 5వేల 805 కోట్లు అంటే 20శాతం లోపే ఖర్చు చేయగలిగారు.
అయిదేళ్లలో డిసెంబరు నాటికి మొత్తం వసూళ్లు గత అయిదేళ్లలో డిసెంబరు నెలాఖరు నాటికి మూలధన వ్యయం ఇదీ చదవండి : రోహత్గీకి ఐదు కోట్ల ఫీజుపై వివరణ కోరిన హైకోర్టు
