కడుపులో గడ్డలున్నా ఫర్వాలేదుగానీ.. ముఖం మీద మాత్రం చిన్న మొటిమ కూడా ఉండొద్దని ఆరాటపడే కాలమిది. ఇవాళా..రేపు మనుషులు అందం కోసం పడి చచ్చిపోతున్నారు. ఇలాంటి పరిస్థితుల్లో.. తెల్లగా ఉన్న మనిషి నల్లగా మారిపోతే ఎలా ఉంటుంది? ఓ డాక్టర్ ఇచ్చిన మందులు ఇందుకు కారణమైతే.. బాధితుడి వేదన ఎలా ఉంటుంది? అమెరికాలోని లూసియానా రాష్ట్రానికి చెందిన ఓ బాధితుడు ఇదే పరిస్థితిని ఎదుర్కొంటున్నాడు. తీవ్ర ఆవేదన వ్యక్తం చేస్తున్నాడు. ఇంతకీ ఏం జరిగిందంటే...?
ఈ స్టోరీలోని బాధితుడి పేరు టైలర్ మాంక్. వయసు 34 ఏళ్లు. పెస్ట్-కంట్రోల్ ఫీల్డ్ ఇన్‌స్పెక్టర్గా పని చేస్తున్నాడు. కొంతకాలంగా డిప్రెషన్తో బాధపడుతున్నాడు. దీంతో.. ట్రీట్మెంట్ చేయించుకునేందుకు ఓ సైకాలజిస్ట్ను సంప్రదించాడు. పరిశీలించిన మానసిక వైద్యుడు.. కొన్ని మందులు సూచించాడు. రోజూ వాటిని మింగడం మొదలు పెట్టాడు టైలర్. ఒక వారం తర్వాత.. ఊహించని మార్పు కనిపించడం మొదలైంది. మానసిక రోగం తగ్గడం సంగతి అటుంచితే.. ఒంట్లో కొత్త రోగం పుట్టుకొస్తున్న విషయాన్ని గమనించాడు. తెల్లగా ఉండే అతను.. కొద్ది కొద్దిగా నల్లగా మారిపోతున్నాడు.
తీవ్ర ఆందోళనకు గురైన టైలర్.. చర్మ సంబంధింత వైద్యుని వద్దకు పరుగు తీశాడు. కానీ.. కారణమేంటో కనుక్కోలేకపోయాడు ఆ డాక్టర్. దీంతో.. మరో హాస్పిటల్కు వెళ్లాడు. అక్కడా ఇదే రిజల్ట్ వచ్చింది. ఇలా ఎంతో మంది వైద్యులను కలిసినప్పటికీ.. ఈ రంగు మారడానికి గల కారణమేంటో చెప్పలేకపోయారు.
తన పరిస్థితిని వివరిస్తూ.. టిక్టాక్లో ఒక వీడియో చేశాడు మాంక్. "నేను రంగులు మారుతున్నాను. దానికి కారణం ఏంటో.. వైద్యులకు కూడా తెలియట్లేదు" అంటూ అతను చేసిన వీడియో.. ఇప్పుడు సోషల్ మీడియాలో వైరల్ గా మారింది. మిలియన్ల కొద్దీ మంది వీక్షించారు. మాంక్ పరిస్థితిని చూసి కొందరు నవ్వుకుంటే.. మరికొందరు బాధపడుతున్నారు. ఇంకొందరు ధైర్యం చెబుతున్నారు.
మొదట ఈ పరిస్థితిని జీర్ణించుకోలేకపోయిన టైలర్.. ఆ తర్వాత మెల్లమెల్లగా వాస్తవాన్ని అంగీకరించేందుకు ప్రయత్నిస్తున్నాడు. అంతకు మించి చేసేది కూడా ఏమీ లేదని గుర్తిస్తున్నాడు. అయితే.. మళ్లీ తెల్లగా మారేందుకు చేస్తున్న ప్రయత్నాలు మాత్రం ఆపట్లేదు. టైలర్‌ను స్పెషలిస్ట్‌ల బృందం పరిశీలిస్తోంది. కానీ.. ట్రీట్మెంట్కు చాలా డబ్బు ఖర్చవుతోంది. దీంతో.. వైద్య ఖర్చుల కోసం తనకు సహాయం చేయాలంటూ.. విరాళాల సేకరణ కూడా ప్రారంభించాడు. మరి, టైలర్ తిరిగి పాత మనిషిగా మారిపోతాడో లేదో చూడాలి.
వీటిపైనా ఓ క్లిక్కేయండి..
- అర్జెంటుగా లావు తగ్గాలా..? వాళ్లు చిటికెలో పిండేస్తారు..!!
- "యమధర్మా.. వచ్చుచుంటిని.." ఫుల్లుగా తాగి నదిలో దూకేశాడు!
- వీళ్ల పెళ్లి జరుగుతుంది మళ్లీ.. మళ్లీ.. మూడేళ్లకోసారి విడాకులు!!
- పెళ్లైన ఏడాది తర్వాత తెలిసింది.. "మొగుడు" ఒక అమ్మాయి అని!
- "గర్ల్ ఫ్రెండ్ బ్యాగులో.. గబ్బు పని" రూ.15 లక్షలు ఫైన్ వేసిన జడ్జి..!
- అక్కడ రాళ్లు నడుస్తాయి.. పరిగెడతాయి..!!
- మనుషులకు తోకలు మొలుస్తున్నాయ్.. ఇట్స్ ట్రూ యార్..!
