చిన్నారిని చిదిమేసిన దుర్మార్గుడికి ఉరి!

వరంగల్ జిల్లాలో 9 నెలల చిన్నారిపై అత్యాచారం చేసి హత్య చేసిన నిందితుడి ఉరి శిక్ష విధించింది వరంగల్ న్యాయస్థానం. కేసు విచారణ వేగంగా పూర్తిచేసిన వరంగల్‌ మొదటి అదనపు జిల్లా కోర్టు న్యాయమూర్తి... ముద్దాయి ప్రవీణ్‌కు ఉరిశిక్ష విధిస్తూ సంచలన తీర్పు వెలువరించింది.

దారుణం ఎప్పుడు జరిగిందంటే?

జూన్‌ 18న తల్లి పొత్తిళ్లలో ఉన్న పసిపాపను ఎత్తుకెళ్లిన ప్రవీణ్‌... పసిపాపపై అత్యాచారం చేసి హత్యచేశాడు. అత్యాచారం, హత్య ఘటనను తీవ్రంగా పరిగణించిన వరంగల్‌ పోలీసులు...వేగంగా దర్యాప్తు జరిపి సాక్ష్యాలు సేకరించారు. ఘటన జరిగిన 20 రోజుల్లోపే కోర్టులో ఛార్జిషీట్‌ దాఖలు చేశారు. 30 మందికిపైగా సాక్షుల విచారించిన కోర్టు... 50 రోజుల్లోనే కేసు విచారించి... శిక్ష ఖరారు చేసింది. ఇవాళ నిందితుడికి ఉరిశిక్ష విధిస్తూ న్యాయమూర్తి జయకుమార్‌ తీర్పు వెలువరించారు.