Maruti Suzuki Car Offers August 2023 : మారుతి సుజుకీ, హ్యూందాయ్ సంస్థలు.. కార్లపై సంవత్సరం పొడుగునా డిస్కౌంట్లు ప్రకటిస్తూనే ఉంటాయి. అదే తరహాలో మరోసారి భారీ ఆఫర్లతో కంపెనీ.. కస్టమర్ల ముందుకు వచ్చాయి. 2023 ఆగస్టులో కార్ల కొనుగోలుపై.. భారీగా డిస్కౌంట్లు అందిస్తున్నాయి. మారుతి సుజుకీ, హ్యూందాయ్ ఏఏ కార్లపై ఎంత డిస్కౌంట్ ఇస్తున్నాయో తెలుసుకుందాం.
భారత్లో అతిపెద్ద కార్ల తయారీ కంపెనీ మారుతి సుజుకీ. ఈ కంపెనీ ఎప్పటికప్పుడు కొత్త మోడళ్ల కార్లను మార్కెట్లోకి తెస్తుంది. మారుతి సుజుకీ తమ కంపెనీ అమ్మకాలను పెంచుకునేందుకు, కస్టమర్లను ఆకట్టుకునేందుకు ఆ సంస్థకు చెందిన ఆల్టో 800, ఆల్టో కే10, మారుతి సెలీరియో, మారుతి ఎస్ ప్రెస్సో, మారుతి వాగన్- ఆర్, మారుతి స్విఫ్ట్ , మారుతి డిజైర్, మారుతి బ్రెజ్జా మోడళ్లపై డిస్కౌంట్లు, ఎక్స్చేంజ్ బోనస్లు ప్రకటించింది.
మారుతీ ఆల్టో 800..
Maruti Alto 800 Car : మారుతీ ఆల్టో 800 మోడల్పై డిస్కౌంట్ లేదు. కానీ బేస్ ఎస్టీడీ మోడల్ మినహా మిగతా వాటిపై రూ.15 వేలు ఎక్స్చేంజ్ బోనస్ ఉంది.
ఆల్టో కే-10..
Maruti Alto K10 : ఈ మోడల్ మాన్యువల్ వేరియంట్లపై రూ.35,000 డిస్కౌంట్ లభిస్తుంది. అలాగే ఆటోమెటిక్, సీఎన్జీ వెర్షన్లపై రూ.20 వేలు రాయితీని పొందొచ్చు. ఈ వెర్షన్ కార్లకు ఎక్స్చేంజ్ బోనస్ రూ.15 వేలు, కార్పొరేట్ బోనస్ కింద రూ.4,100 తగ్గుతుంది.
మారుతి సెలీరియో..
Maruti Celerio : మారుతి సెలీరియో మోడల్ కారుపై రూ.35,000.. సీఎన్జీ, అటోమేటిక్ వేరియంట్ మోడల్పై రూ.20 వేలు రాయితీ లభిస్తుంది. ఎక్స్చేంజ్ బోనస్ రూ.15 వేలు, కార్పొరేట్ బోనస్ రూ.5వేలు లభిస్తుంది.
| మోడల్ | డిస్కౌంట్ | ఎక్స్చేంజ్ బోనస్+కార్పొరేట్ డిస్కౌంట్ |
| Maruti Alto 800 | 0 | రూ.15,000+0 |
| Maruti Alto K10 | రూ.35,000 | రూ.15,000+రూ.4,100 |
| Maruti Celerio | రూ.35,000 | రూ.15,000+రూ.5100 |
| Maruti S-Presso | రూ.35,000 | రూ.15,000+రూ.4,100 |
| Maruti Wagon-R | రూ.35,000 | రూ.15,000+రూ.4,000 |
| Maruti Swift | రూ. 25,000 | రూ.15,000+రూ.5,000 |
| Maruti Eeco | రూ.15,000 | రూ.10,000+రూ.3,100 |
| Maruti Dzire | 0 | రూ.10,000+0 |
Maruti Ignis, Maruti Baleno, Maruti Ciaz కార్లపై కూడా ఆఫర్లు ఉన్నాయి. Maruti Ignis మోడల్ కారుకు రూ.35 వేల డిస్కౌంట్, రూ.15 వేలు ఎక్స్చేంజ్ బోనస్, రూ.4 వేల కార్పొరేట్ డిస్కౌంట్ ఉంది.
Maruti Baleno మోడల్ కారుపై రూ.20 వేల డిస్కౌంట్, రూ.10 వేల ఎక్స్చేంజ్ బోనస్ ఉంది. అలాగే Maruti Ciaz కారుపై ఎలాంటి డిస్కౌంట్ లేదు కానీ రూ.25 వేల ఎక్స్చేంజ్ బోనస్, రూ.3 వేల కార్పొరేట్ డిస్కౌంట్ ఉంది.
హ్యూందాయ్ ఆఫర్లు..అలాగే హ్యూందాయ్ కంపెనీ కూడా వినియోగదారులకు భారీ ఆఫర్లను ప్రకటించింది. అవేంటంటే?
| మోడల్ | డిస్కౌంట్ | ఎక్స్చేంజ్ బోనస్+కార్పొరేట్ డిస్కౌంట్ |
| Hyundai Grand i10 Nios | రూ.30 వేలు | రూ.10,000+రూ.3,000 |
| Hyundai Aura | రూ.20 వేలు(CNG)/రూ.10 వేలు(వేరే మోడల్స్) | రూ.10,000+రూ.3,000 |
| Hyundai i20 | రూ.25 వేలు(స్పోర్ట్స్/ రూ.10 వేలు(వేరే మోడల్స్) | రూ.10,000+రూ.3,000 |
| Hyundai i20 | రూ.30 వేలు | రూ.10,000+0 |
| Hyundai i20 | రూ.30 వేలు | రూ.10,000+0 |
| Hyundai Alcazar | 0 | రూ.20,000+0 |
| Hyundai Kona EV | రూ. 2లక్షలు | 0 |
కొత్త కారు కొనాలా?.. 'హ్యుందాయ్' బంపర్ ఆఫర్.. రూ.50వేలు డిస్కౌంట్!
టాటా కార్లపై భారీ డిస్కౌంట్లు.. ఈ ఒక్క నెల మాత్రమే ఛాన్స్!
