Chitra Ramkrishna Anand Subramanian: జాతీయ స్టాక్ ఎక్స్చేంజి కార్యకలాపాల్లో అక్రమాలకు పాల్పడ్డారన్న కేసులో ఎన్ఎస్ఈ మాజీ సీఈఓ చిత్రా రామకృష్ణపై సీబీఐ ఛార్జ్ షీట్ నమోదు చేసింది. కో లొకేషన్ స్కామ్గా పేర్కొనే ఈ కేసులో మరో నిందితుడు, మాజీ గ్రూప్ ఆపరేటింగ్ ఆఫీసర్ ఆనంద్ సుబ్రమణియన్ పేరును ఛార్జ్షీట్లో జత చేసింది. ఈ విషయాన్ని సీబీఐ సీబీఐ అధికారి వెల్లడించారు. ఛార్జ్షీట్ను దిల్లీలోని రౌస్ అవెన్యూ జిల్లా కోర్టులోని ప్రత్యేక సీబీఐ కోర్టులో సమర్పించినట్లు తెలిపారు. 'ఛార్జ్షీట్ను సమర్పించాం. ఒకవేళ దర్యాప్తులో కొత్త విషయాలు, ఆధారాలు వెల్లడైతే ఇందుకు అనుబంధంగా మరో ఛార్జ్షీట్ను దాఖలు చేస్తాం" అని ఆయన పేర్కొన్నారు.
చిత్రా రామకృష్ణ అధికార దుర్వినియోగానికి పాల్పడ్డారని సీబీఐ తన ఛార్జ్షీట్లో పేర్కొంది. ఎన్ఎస్ఈ చీఫ్‌ స్ట్రాటజిక్‌ అడ్వైజర్‌గా ఆనంద్ సుబ్రమణియన్ నియామకం, వెంటనే పదోన్నతులు వంటి విషయాల్లో కూడా చిత్ర అవకతవకలకు పాల్పడ్డారని పేర్కొంది. జ్యుడీషియల్ కస్టడీలో ఉన్న చిత్రా రామకృష్ణ బెయిల్ పిటీషన్పై విచారణ గురువారం జరగాల్సి ఉండగా.. అది ఈనెల 28కి వాయిదా పడింది. మరో నిందితుడు ఆనంద్ సుబ్రమణియన్ బెయిల్ పిటీషన్పై ఆదివారం విచారణ జరగనుంది.
ఇదీ చూడండి : వారం రోజుల్లో ఐపీఓకు 'రెయిన్బో' హాస్పిటల్.. 'ఎల్ఐసీ' ఎప్పుడంటే?
