ఎల్​పీజీ వైపు వాహనదారుల చూపులు

భారీగా పెరుగుతున్న పెట్రోల్, డీజిల్ ధరల నేపథ్యంలో.. ఇంధన ఖర్చులు తగ్గించుకునేందుకు ప్రత్యామ్నాయ మార్గాలను అన్వేషిస్తున్నారు వాహన వినియోగదారులు. ఇందుకోసం ఎల్​పీజీ వినియోగించేందుకు చాలా మంది మొగ్గు చూపుతున్నట్లు తెలుస్తోంది. పెట్రోల్​, డీజిల్​తో పోలిస్తే.. ఎల్​పీజీ దాదాపు సగం ధరకే లభిస్తుండటం ఇందుకు ప్రధాన కారణం.

దేశంలో పెట్రోల్​, డీజిల్ ధరలు రికార్డు స్థాయిల వద్ద కొనసాగుతున్నాయి. అయితే కరోనా వల్ల ఇటీలవ చాలా మంది ఆదాయాలు భారీగా తగ్గిపోయాయి. దీనితో పెరిగిన ఇంధన ధరలు వారికి భారంగా మారుతున్నాయి.

ఇలాంటి పరిస్థితుల్లో వాహనాల పనితీరుపై రాజీ పడకుండా ఇంధన ఖర్చులు తగ్గించుకునేందుకు ప్రయత్నిస్తున్నారు వినియోగదారులు. ఇందుకోసం ప్రత్యామ్నాయ ఇంధనంపై దృష్టి సారిస్తున్నారు.

ముఖ్యంగా పెట్రోల్​, డీజిల్​కు ప్రధాన ప్రత్యామ్నాయాలైన.. ఎల్​పీజీ, సీఎన్​జీలను వినియోగించేందుకు ఇష్టపడుతున్నట్లు తెలుస్తోంది.

ఎల్​పీజీతో ఎంత ఆదా?

వాహనదారులు అధికంగా వినియోగించే పెట్రోల్​, డీజిల్​ ధరలు లీటర్​కు రూ.80కి కాస్త అటూ ఇటుగా ఉన్నాయి. ఇదే సమయంలో ఎల్​పీజీ మాత్రం వాటిలో సగం ధరకే లభిస్తోంది.

పెట్రల్ కంటే ఎల్​పీజీ ధర 40 శాతం వరకు తక్కువగా ఉంది. ఫలితంగా వాహన వినియోగదారులకు ఇంధన ఖర్చు ఇది చాలా వరకు తగ్గిస్తుందని ఇండియన్​ ఆటో ఎల్​పీజీ సంఘం అంటోంది.

ఈ ప్రయోజనాల నేపథ్యంలో.. పెట్రోల్​, డీజిల్​ నుంచి ఎల్​పీజీకి వాహనాన్ని కన్వర్ట్​ చేసే కిట్ల కోసం వినియోగదారుల నుంచి భారీగా వినతులు వస్తున్నట్లు ఇండియన్​ ఆటో ఎల్​పీజీ సంఘం చెబుతోంది.

ఇదీ చూడండి:ఐఓఎస్​లోనూ గూగుల్ మ్యాప్స్​- త్వరలో విడుదల